Kalaallit Nunaata Københavnimi Sinniisoqarfiani Naalakkersuisut ukiortaami ilassinnillutik kaffillerneranni Naalakkersuisut siulittaasuat Múte B. Egede ilassilluarneqarpoq.
Najuuttut tusagassiortorpassuillu oqalugiarfigigamigit Amerikami præsidentinngortussap Donald Trumpip oqaaseqaatai pissutigalugit Kalaallit Nunaata soqutigineqarlualersimanera eqqartorpaa.
Kalaallit Nunaata Københavnimi Sinniisoqarfiani Naalakkersuisut ukiortaami ilassinnillutik kaffillerneranni Naalakkersuisut siulittaasuat Múte B. Egede ilassilluarneqarpoq.
Najuuttut tusagassiortorpassuillu oqalugiarfigigamigit Amerikami præsidentinngortussap Donald Trumpip oqaaseqaatai pissutigalugit Kalaallit Nunaata soqutigineqarlualersimanera eqqartorpaa.
– Kalaallit Nunaanni piffissaq nutaarluinnaq ornipparput. Ukioq manna nutaaq Kalaallit Nunaat nunarsuarmi tamarmi qitiuvoq, ilaatigut Múte B. Egede oqarpoq, taassumalu erseqqissarpaa kalaallit Danmarkimi nunarsuarmiluunniit allani naligiimmik pineqassasut.
Suliassarpassuaqartoq
Ukioq mannali kaffillernermi Naalakkersuisut siulittaasuat kisimiilluni najuutinngilaq. Inuussutissarsiornermut, Niuernermut, Aatsitassanut, Inatsisinik Atuutsitsinermut Naligiissitaanermullu Naalakkersuisoq Naaja H. Nathanielsen aamma Aningaasaqarnermut Akileraartarnermullu Naalakkersuisoq Erik Jensen qaaqqusanik aamma tikilluaqqusipput.
Aamma namminersulivinnermut nunanullu allanut naalakkersuisoq Vivian Motzfeldt, peqqissutsimut naalakkersuisoq Agathe Fontain aamma nunalerinermut, imminnut pilersornermut, nukissiornermut avatangiisinullu naalakkersuisoq Kalistat Lund peqataasut ilagaat.
Politikkikkut peqataasoqarluarneranut pissutaavoq danskit ministeriinik ataatsimeeqateqarnerit arlallit, kiisalu naalagaaffeqatigiit ukiup affakkaartumik ataatsimiinnissaat aamma attaveqaqatigiinnermut ataatsimiititaliap ataatsimiinnissaannut piffissanngormat, tassani Danmarkimi, Savalimmiuni Kalaallit Nunaannilu naalakkersuisut siuttui ataatsimut soqutigisaminnik oqalliseqatigiissallutik Ataatsimiinnerit Københavnimi tallimanngornermi ingerlanneqassapput.
Naalakkersuisunut ilaasortat amerlasuut saniatigut aamma Inatsisartut siulittaasuat Mimi Karlsen qaaqqusarpassuillu najuupput, taakkulu oqaloqatigiinnissamut periarfissaqaannanngillat aammali ilaatigut Josepha Lauth Thomsenimik uaajeernerani aamma Uummannami Meeqqat Angerlarsimaffiannit inuusuttut aamma Karina Møllerip nipilersukkanik tusarnaartitsineranni malinnaasinnaallutik.
