Kalaallit Danmarkimiittut isumaginninnermut suliani nutserunneqartalertut
Meeqqat angerlarsimaffiup avataanut inissinneqarnerini suliani, oqartussat sullissineranni imaluunniit suliani isumaginninnermut tunngassuteqartuni allani kulturikkut oqaatsitigullu paasisimasalinnit GLTolk-imit nutserisoqartalerpoq.
Foto: Scanpix
GLTolk, kalaallinit pigineqartoq Danmarkimilu allaffeqarfilik, VISO-p immikkoortortaqarfianut kalaallit oqaasiinik kulturiannillu ilisimasaqarluartunut nutserisutut toqqarneqarpoq.
VISO tassaavoq Danmarkimi ilisimasanik immikkut ittumik siunnersuisarfiusoq. Danmarkimi isumaginninnermut immikkut ittumik ilinniartitaaneq pillugu ilisimasanik siunnersuisarlunilu avitseqatiginnittartoq.
Assersuutigalugu meeqqanik angerlarsimaffiup avataanut inissiinermi, oqartussat sulineranni imaluuniit isumaginninnikkut immikkut ajornartorsiuteqartunut tunngasuni immikkut siunnersuisarfiusarput.
GL Tolk tusagassiutinut nalunaarummi allappoq.
- Suliassagut maanna kivitsiffigisassavut ullut tamaasa sulissutigisartakkatsinnut attuumassuteqarluinnarput: Kalaallinut Danmarkimi najugalinnut ataqqinnittumik, paasinnittumik suliatigullu pitsaasumik sullissinissamik qulakkeerinninneq. Tamanna tatiginninneruvoq akisussaaffimmillu tulluusimaarutigisatsinnik tunisisoq, GLTolk-imik pilersitseqataallunilu pisortaq Arnajaraq Joelsen oqarpoq.
Nutserinermut atukkat pitsanngorsarlugit
Isumaqatigiissut nutserinermut atukkat pitsanngorsarlugit
suliassat, tassani pisariaqartinneqarluni oqaatsitigut eqqortumik
kultuurikkullu paasinnittumik.
VIVE-p 2022-mi nalunaarusiaani Danmarkimi kalaallit meeqqanik inissiisarnerit pillugit nalunaarusiaanni erserpoq, danskit suliassaqarfii aamma kalaallit ilaqutaasa akornanni suleqatigiinnermi unammilligassat arlallit pigineqartut. Ilaatigut nutserinerup amigaateqarnera aamma suliassaqarfinni kalaallit kulturiannik ilisimasaqarnerup amigaateqarnera pissutaallutik.
GLTolk-ip Danmarkimi kalaallit innuttaasunut nutserinermut atugassarititaasut pitsanngorsarniarlugit sulissutigaa. Immikkoortoq, ukiuni arlalinni unammilligassartaqarluartoq.
Nutserisunut atugassarititanik pitsanngorsaaneq
Isumaginninnermut tunngasuni suliani pisariunerusuni oqaatsit eqqoqqissaartuunissaat kulturimillu ilisimasaqarnissaq isumaqatigiissutip ilaatigut imaraa.
Kalaallit Danmarkimi najugallit meerartaannik angerlarsimaffiup avataanit inissiisoqartillugu, qallunaat sullissisut kalaallillu ilaqutariit pineqartut suleqatigiinnerat unammillernartoq VIVE-p 2022-mi nalunaarusiaani allassimavoq. Ilaatiguti nutserisussanik amigaateqarneq kalaallillu kulturiannik ilisimasakippallaarneq pissutigalugit.
GLTolk-ip Danmarkimi kalaallit oqalutsitut atugaat pitsanngorsarnissaat sulissutigisimavaa. Suliassaqarfik ukiorpassuarni annertuumik unammilligassaqarfiusoq.
GLTolk kalaallinut Danmarkimiittunut nutserinermik ilisimasaqarnerulernissamik neqerooruteqarnermi siorna ajugaasuuvoq. KNR taama allappoq.
