Kalaallit Nunaanni Brugsenimi pisortaq soraarniuteqarpoq

Susanne Christensen Kalaallit Nunaanni Brugsenimi ukiorpassuarni sulereerluni soraarniuteqarnini nalunaarutigaa. Taanna 1999-imi brugsenimi atorfinippoq, 2013-miillu suliffeqarfimmi pisortatut atorfeqarluni.

Kalaallit Nunaanni Brugsenimi pisortaq Susanne Christensen pisortatut soraarniuteqarnini nalunaarutigaa.

Siulersuisuuneq Avijâja Rosing-Olsen taamak nalunaaruteqaluni allappoq:

- Susanne ukiorpassuarni Brugsenip ineriartorneranut qulakkeerinneqataavoq, Brugsenimi naleqartitat piujuartitsinerlu pingaartilluinnarlugit. Taamatuttaaq Susannep qulakkeerpaa Brugseni nunatsinni suliffeqarfinni sulisut iluarisimaarnerinik siuttooqataanera, oqarpoq nangillunilu:

- Maanna nukiit nutaat atorfissaqartilerpavut, Brugsenimi anguniakkat tullii angujumallugit. Siulersuisut sinnerlugit qujavunga Susanne ukiorpassuarni Brugsenimut tunniussaanut.

Brugsenimi maanna nutaamik pisortassarsiorpoq.sulineq aallartilerpoq.

Kent Helberg pisortatut inissikkallarpoq.

Powered by Labrador CMS