Kalaallit Nunaanni Peqqinnissaqarfik nakorsanut pisortartaartoq

Jesper Olesen Kalaallit Nunaanni Peqqinnissaqarfimmi nakorsanut ukiortaamiit pisortanngussaaq.Kalaallit Nunaanni Peqqinnissaqarfik tusagassiuutitigut nalunaarummi allappoq. 

Jesper Olesen 2000-imi nakorsanngorlaajulluni Dronning Ingridip Napparsimavissuani Peqqissaavianilu atorfinilluni Kalaallit Nunaannukaqqaarpoq. Tamatumalu kingorna pilattaanermut immikkoortortamut 2001-imi nuulluni.

Jesper Olesen Randers Centralsygehusimi ukiualunni sulereerluni Nuummut uteqqippoq, nakorsatullu sulinermi saniatigut nakorsatut immikkut ilisimasalittut ilinniaqqilluni. 2008-p kingorna peqqinnissaqarfiup aqunneqarneranut akuujartulerpoq, siullermik nunap immikkoortuarni nakorsaanertut kingornalu immikkoortortami Sermersuumi pisortanngorluni.

- Nakorsanut pisortanngorninni peqqinnissaqarfik inuiaqatigiillu kalaallit ilisimasaqarfigilluarlugit ikkuppunga. Ullutsinni piffissamilu aggersumi unammilligassat paasisimasaqarfigilluarpakka, aammalu sinaakkusiussat iluanni iluarsiissutissanik pitsaanerpaanik nassaarniarnissamut piumassuseqarluarlunga, Jesper Olesen oqarpoq.

Kalaallit Nunaanni Peqqinnissaqarfiup Jesper Olesenip nakorsanut pisortanngornerani tikilluaqquaa.