Kalaallit Nunaannut peqqarniisaarniartoqarsinnaanerata ilimanaataa annikitsuararsuartut nalilerneqartoq

Kalaallit Nunaannut peqqarniisaarniartoqarsinnaanerata aarlerinassusaa suli "annikitsuararsuuvoq“. Peqqaarniisaarniartoqartarnera pillugu misissuisoqarfik (CTA) misissuinermini nutaami taama naliliivoq.

Taamaalilluni Kalaallit Nunaanni peqqarniisaarniartoqarsinnaanerata aarlerinassusaa Danmarkimut sanillillugu annikinneruvoq. Danmarkimi peqqarniisaartoqarsinnaanerata aarlerinaataa "ilungersunartutut" nalilerneqarpoq, peqqarniisaarniartoqarsinnaanera islamisiortunut attuumassutilittut nalilerneqarnikuulluni.

Nalunaarusiami Kalaallit Nunaat pillugu allaaserisami "Kangia qiterlermi akerleriittoqarnerata kinguneranik Kalaallit Nunaannut peqqarniisaarniartoqarsinnaanerata aarlerinaataa sunnerneqarsimanersoq" takussutissamik CTA nassaanngitsoq allassimavoq.

- Kalaallit Nunaanni peqqarniisaarniarnerup aarlerinaataa ukiuni kingullerni sunnerneqarsimanersoq allatigut takussutissanik CTA ilisimasaqanngilaq, allassimavoq.

CTA: Nakuuserlutik ingasaassiniartartut Kalaallit Nunaanni nalinginnaannginnerupput

Peqqaarniisaarniartoqartarnera pillugu misissuisoqarfik PET-ip - Politiit isertortumik paasiniaasartui - ataaniippoq, taakkulu ingasaaassiniat internetikkut suliniuteqartarnerat inuusuttullu ingasattajaartut amerliartornerat, naalagaaffeqatigiinnerup sinnerani pisut assigalugit, Kalaallit Nunaanni aarlerinartorsiornerup ineriartorneranut aamma sunniuteqarsinnaasoq nalilerpaat.

- Ingasaassiniat nakuusertartut Kalaallit Nunaanni Danmarkimit nalinginnaannginnerusut CTA-p nalilerpaa. Ingasaassinialli inuit Kalaallit Nunaanniittut peqqarniitsumik iliornissaannik sunnersinnaallugit, misissuinermi allassimavoq.

Kalaallit Nunaanni naalagaaffeqatigiinnerup sinneranut sanilliullugu sakkunik qaartartunillu pissarsiniarneq ajornannginnerusoq, tamatumalu kingunerisaanik saassussinerit ajoqusiingaartut amerlanerusinnaasut CTA-p naggataagut nalilerpaa.

Misissuineq tamaat uani atuarneqarsinnaavoq.