Europap sinnerani aningaasarsiorneq kaaviiaartoq sukkasuumik
siuariartortoq nunat avannarliit kingussaaqqapput.
Issittoq
mingutsitsinngitsumik nikeriarnissamut peqataatinniarlugu nunanit
tamalaaneersut Nuummi novembarip 19-ianniit 20-annut katersuuppata tamanna allanngortinneqassaaq.
Europap sinnerani aningaasarsiorneq kaaviiaartoq sukkasuumik
siuariartortoq nunat avannarliit kingussaaqqapput.
Issittoq
mingutsitsinngitsumik nikeriarnissamut peqataatinniarlugu nunanit
tamalaaneersut Nuummi novembarip 19-ianniit 20-annut katersuuppata tamanna allanngortinneqassaaq.
Nordic Circular Summit 2025
· Piffissaq sumiiffillu: 19.–20. novembari, Nuuk
· Aaqqissuisut: Nordic Circular Hotspot aamma Nordic
Innovation
· Qulequtaq: Circular Frontiers: Shaping our
Future – From remote realities to global blueprints (Kaaviiaartitsinermi
Siuttut: Siunissarput ilusilersorlugu – avinngarusimasumi piviusumiit
nunarsuarmi najoqqutassatut, aaqq.)
Siunertaq:
Nunani Avannarlerni ataasiinnarmik sammivilimmik aningaasarsiornermiit
kaaviiaartitsilluni aningaasarsiornissamut ikaarsaarneq siuarsarniarlugu
aalajangiisartut, inuussutissarsiortut ilisimatuullu katersuutsinnissaat.
- Ukiuni kingullerni siuariartoqarsimavoq, kisianni nunat
tamalaat periusissiaat suli iliuuseqarfigineqanngillat, Einar Kleppe Holthe,
Nordic Circular Hotspotimi pisortaasoq, oqarpoq.
Ineriartorneq nutaaliornermit teknologiimillu — ingammik
sanaartornermi, nukissiuuteqarnermi, inuussutissalerinermi eqqagassalerinermilu
— siulersorneqaraluttuinnartoq taanna oqarpoq.
- Politikki teknologiilu kisimik pineqaratik aammali
pinngortitaq, inuit naleqartitallu pineqarput. Kalaallit Nunaata Issittullu
kaaviiaartitsinerup nutaajunnginneranik, ilisimasatoqqamilli siunissami
aaqqiissutissanut atassusigassatsinnik eqqaasippaatigut.
Kalaallit Nunaat misileraaffittut
Kalaallit Nunaat Issittumi misilittakkat nunanut
avannarlernut allanut qanoq iluaqutaasinnaanerannik takutitsinissamut
periarfissaqarpoq.
- Kalaallit Nunaat kinguaariinnit avatangiisini
pisuussutikitsuni ataatsimoorfiusunilu inuunerannik ilusilersorneqarsimasumik
kaaviiaartitseriaaseqarpoq, Nalik Venturesimi siunnersortaaneq Gorm Vold
oqarpoq nangillunilu:
- Kulturi taanna oqaluttuarisaanermut ilaaginnanngilaq -
siunissami nutaaliornissamut tunngaviuvoq. Niuernikkut periutsit nutaaliat
inoqarfinnut inukitsunut tulluartut, ilisimasanillu nunaqavissunit nunanilu
allaniittunit atorneqarsinnaasunik pilersitsisinnaasut suliniutigaagut.
Nuummi ataatsimiinneq – ilaatigut sanaartornermi,
umiarsualivinni attaveqaasersuinermi, aalisakkerinerup saniatigut pisani
eqqakkanillu assartuinermi - nutaamik suleqatigiinneqalersitsissasoq
aaqqissuisut nunani avannarlerneersut neriuutigaat.
Issittumi unammillernartut
Nunarsuarmi pinngortitap ataqatigiinnerani erianarnerpaat
ilaat – aamma assartuinermut tunngatillugu unammillernarnerpaat ilaat –
Issittumi inissisimapput.
Aningaasaqarnermi kaaviiaartitsineq suua?
· Aningaasaqarnikkut periuseq, tassani pisuussutit
atoqqillugit sapinngisamik sivisunerpaamik ingerlaartinneqartarput.
· Eqqakkat annikillisinnissaat, atortussanik
atoqqiineq tunisassianillu iluarsarneqarsinnaasunik
atoqqinneqarsinnaasunilluunniit ilusilersuineq.
· Aningaasaqarnermut ataasiinnarmik sammivilimmut
akerliusoq, tassani tunisassioriarluni, atueriarluni igitsisoqartarpoq.
- Niuerfiararpassuit, ungasissut attaveqaasersuutillu
killeqartut ineriartortitsinissaq ajornakusoortittarpaat, tamannali
peqatigalugu suleqatigiinnissamut asseqanngitsumik tunngaviliivoq,
aaqqissuussisut nunanit avannarlerneersut oqarput.
Aammattaaq nunap immikkoortuini aningaasarsiorneq
nukittunerulersinneqassaaq, taamaalilluni silaannaap allanngoriartornera,
assartuinermi aningaasartuutit qaffasissut ukiullu ingerlanerani niuerfiit
allanngorarnerat anigorneqarsinnaalissapput.
Periusissiaqarnermiit kulturimik allannguinermut
Aningaasaqarneq kaaviiaartoq nunani avannarlerni
inuussutissarsiornerup ineriartorneranut pissusissamisoortumik ilaasoq
piviusunngortinniarlugu siunertanik kusanartunik nalunaaruteqarnerinnaanngitsoq
pisariaqarpoq.
- Naatsumik oqaatigalugu pisussaaffilimmik suleqatigiinneq
ataatsimullu sammiveqarneq, Nordic Circular Hotspotimik pilersitseqataasoq
Cathrine Barth oqarpoq.
Ilinniartitaaneq, ilisimatusarneq aningaasaqarnikkullu
annertusaaneq ataqatigiittariaqartut taassuma naqissuserpaa. Pisortat
pisiortorneri. siuttuusariaqarlutillu suliffeqarfiit eqqakkat pisuussutitut
isiginissaat ilinniartariaqarpaat.
- Tunisassiortut atuisartullu akisussaaffeqarnerat -
taamatuttaarlu ilusilersuinermut atoqqiinermullu tunngatillugu aallaqqaammulli
eqqarsaatiginneqqissaarnissaq pineqarpoq.
Inuussutissarsiuteqartunut isumassarsiat
Sulisitsisut ataatsimeersuarnissaq qilanaaraat.
- Kaaviiaartitsineq siammasissumik isigigaanni tamatsinnut
pingaaruteqarpoq, ulluinnarnili ulapaarfiusuni pisuussutissat nassaarinissaat
arlalinnut ajornakusoorpoq, Christian Keldsen Sulisitsisuni pisortaasoq oqarpoq
imalu naggasiivoq:
- Minnerunngitsumik piujuartitsinerup niuernitsinnut
ilanngunnissaa eqqarsaatigissavarput. Nuummi ataatsimeersuarneq
suliffeqarfinnut pioreersunut taamaallaat pinnani, aammali aallartitassanut
nutaanut pingaarutilimmik isumassarsisitsisussaq.
