Kalaallit Nunaat nunanut arlalinnut pineqaatissiissutissanik ataatsimoortunik annertusaaniarpoq

Ukrainep ilaanik Putinip tiguaanerata kingorna Ruslandimut tunngatillugu EU-p pineqaatissiissutissai nalunaarut aqqutigalugu Namminersorlutik Oqartussat tapersersorpaat. 2022-mili novembarimi nalunaarutip maani nunami akuerineqarneraniilli Ruslandimut, Belarusimut Iranimullu tunngatillugu pineqaatissiissutissat ataatsimoortut EU-p annertusivai.

Nalunaarusiap nutartikkap tusarniaassutigineqarnera pillugu Naalakkersuisut ima allapput:

- Tamatuma kingorna EU-p Ruslandimut allanullu tunngatillugu pineqaatissiissutissat ataatsimoortut suli allat arfinillit akuerai, kiisalu tamanna pillugu maleruagassat allat akueralugit. Pineqaatissiissutissat ataatsimoortut suli allat taakkua il.il. suli Kalaallit Nunaanni atuutilinngillat. Taamaalilluni Ruslandimut allanullu tunngatillugu pineqaatissiissutissanut Kalaallit Nunaata malinnaanissaanut, nalunaarut nutarterneqartariaqarpoq.

Pineqaatissiissutissat tamaasa takukkit

Nalunaaruteqarnissamut siunnersuut naapertorlugu Kalaallit Nunaata nunanut pingasunut taakkununnga iliuuserisassat EU-mit maannamut akuerineqartut tamaasa akuerissavai.

Ataasinngorneq septembarip qulingiluaat tusarniaanermut killissarititaavoq, pineqaatissiissutissallu tamarmik, maanna 33-nik quppernillit, uani takuneqarsinnaapput.