Kikkut qaqugukkullu akiuussutissalerneqarsinnaanersut takuuk

Inuit ilaannut influenza aamma covid-19 inuunermut navianartorsiortitsisinnaapput. Tamaammat innuttaasut akiuussutissinneqarnissaat Nunatsinni Nakorsaaneqarfimmit innersuussutaavoq. Aggersaasoqassanngilaq, taamaattumik najukkami qaqugu neqeroorutiginnittoqassanersoq eqqumaffigineqassaaq, tamannalu pissaaq piffissami oktobarip 16-iannit 23-ata tungaanut.

Akiuussutissamik kapitinneq pingaaruteqartoq, siornatigut nakorsaanerusoq Henrik L. Hansen juulimi Sermitsiamut naqissusiivoq.

- Inuppassuit akiuussutissaqarpiarunnaarsimammata perulunnartumik nappaateqalernissamut illersorneqassagaanni akiuussutissamik kapiteqqinneq pingaaruteqarluinnarpoq, juulimi taamani nakorsaanerusoq Sermitsiaq.AG-mut naqissusiivoq, 65-ileereersimasullu affaasa missaannaat siorna akiuussutissalertinnissamik neqeroorut akuerisimagaat taassuma ilisimatitsissutigaa.

- Ukioru napparsimasorpassuaqarnissaa ingalassimatinniarlugu amerlanerusut akiuussutissalerneqartariaqarput, taamani nakorsaanerusoq naqissusiivoq. 

Kapitinnissanut taakkununnga marlunnut uku neqeroorfigineqarput:

• 65-ileereersimasut ( kingusinnerpaamik 2025-imi januaarip 15-ianni 65-ileereersimassapput)
• Inuit peruluuteqarsinnaasut
• Naartunerup pingasunut avinnerisa aappaani pingajuannilu naartusut 

Inuit akiuussutissamik kapitinnissamut navianartorsiornerusut aamma qanorluunniit ukioqaraluarunik kapitinnissamut neqeroorfigineqarsinnaasut ukuupput:

• KOL-imik nappaateqartut, ASTMA-rtut imal. allamik anigugassaanngitsumik pualluuteqartut.
• Type 1 imal. type 2 diabetesimik nappaateqartut.
• Uummalluttut, uumatip taqaasa nerukillisimanerannik allamilluunniit uumatikkut taqqatigullu nappaatillit (aap taqqanut naqitsinerata qaffasinneranut taannalu kisiat nappaatigalugu nakorsarluakkat ilanngunnagit).
• Kræftimik nappaateqartut.
• Naamikkut imal. tingummikkut tartumikkulluunniit nappaateqartut.
• Gigtimik nappaateqartut (naggussat nungullarsimanerannik patsiseqanngitsut).
• Sianiuteqarfitsigut nappateqartut.
• Inunnguutsimik kingornaluunniit- nappaatinut akiuussinnaasusaat annikitsut
• Nukiit sanngiillisimanerannik patsiseqartumik anersaartorniarnerat sunnerneqasimasoq.
• Allanik anigugassaanngitsunik nappaateqartut, nalinginnaasumik nuallunnikkut imal. covid-19-imik tunillatsinnikkut perululersinnaasut.

Nappaatit allallu kapitinnissamut pissutissaalluartut tassaapput:

• Inuit pualavallaat (BMI-at 35 sinneqartoq) 
• Inuit allanik navianaatilinnik nappaateqartut, influenza covid 19-iluunniit peqqissusaannut navianartorsiortitsisinnaappat.
• Inunnut inunnguutsiminnik imal. kingorna nappaatinut akiuussinnaassusaat annikillisimasunut inoqutaasut imal. meeqqat nualluummik imal. covid 19-imik peruluuteqarsinnaanermut aarlerinartorsiortut.

Piffissamik inniminniisoqaqqaatariaqanngilaq, aajukulu piffissat kapitiffissat: