Kilisaat umiatsiaaqqamik ajornartorsiortumik ikiuukkiartorluni nalunaaquttap akunneri arlallit atorlugit orniguttoq

Sapaammi unnuakkut politiit aalisartut marluk arfininngornermi umiatsiaaqqamik aallarsimasut ilaqutaannit isumaaluttunit attavigineqarput.

Inuit marluk Sisimiut avannamut kitaani 10 sømiilisut ungasitsigisumi sikunik kiggigussaaqqasut paasinarsivoq, taakkulu marluk umiatsiaaqqaminnik qimatsinissartik kissaatiginngikkaat, sarfallu anorillu pitsaanerusumut saqinissaa utaqqiniaraat, KNR-p sapaatiummat oqaatigaa.

Ataasinngornerup ingerlanerani kilisaat inunnik marlunnik taakkuninnga ikiuukkiartorsimasoq, politiini pigaartut pisortaata Carl Sværdip ataasinngornermi Sermitsiamut oqaatigaa.

Pissutsit pitsaanerulersimannginnerat pissutigalugu umiatsiaaraq kiggigussaaqqasoq pillugu sinerissami radioqarfimmit nalunaaruteqartoqarpoq.

Kilisaat nalunaarummut akivoq nalunaaqqutaallu akunneri pingasut atorlugit umiatsiaaqqamut marlunnik inuttaqartumut ingerlaartoq, Carl Sværdip oqaluttuaraa.

Kilisaat piffimmut anngukkami umiatsiaaqqap sikunit anillaannissaanut aaqqutissiuussivoq, taamaalillunilu aalisartut marluk angerlamut ingerlasinnaalerput.