Kitaani putsernera pissutaalluni timmisartuussinerit akimmisaartinneqarput
Air Greenland ilisimatitsivoq piffissami matumani timmisartuussinerit pilersaarutit malillugit ingerlanniarneqarnerat ajornakusoortoq, ilaasussallu qinnuigineqarput angalanissamut pilersaarutit nutaat eqqumaffigineqassasut.
Assi: Leiff Josefsen
Air Greenland ilisimatitsivoq kitaata sineriaani pujoq pissutaalluni ullumi angallannermi pilersaarutit malillugit timmisartuussiniarneq ajornartorsiutaasoq.
Angalanissamut pilersaarutit misissornerini kinguaattoornerit taamaatitsinerillu imaaginnavipput.
Air Greenland kaammattuivoq angalasussat eqqumaffigissagaat pilersaarutit allanngortinneqarneri, tamannalu malinnaaffigineqarsinnaavoq UANI.
Angalanermik taamaatitsineq, allannguineq, nerisaqarnermut allagartat
Air Greenland paasissutissiivoq periarfissaqartoq angalanermik taamaatitsinissamut imaluunniit kingusinnerusukkut aallarnissamut allanngortitsinissamut. Angalatitsiveqatigiiffitsigut angalanissamut inniminniissimagaanni Air Greenland kaammattuivoq inniminniiffigisimasaq saaffigineqassasoq.
Unnuinissamut imaluunniit nerisaqarnermut allagartaqarnissamut pisariaqartitsiguit, mittarfimmi imaluunniit heliportimi sulisunut attaviginnittoqassaaq.
Air Greenlandimit ajuusaarutigineqarpoq angalasussat eqqugaammata, aamma neriorsuipput sapinngisamik sukkasuumik sullissillutik, taamaaliornikkut angalasut tamarmik sukkanerpaamik apuuffissaminnut apuunnissaat qulakkeerniarneqarmat.
