Naalakkersuisunngortussat marsip aqqarnani qinersisoqareermalli qanoq
isikkoqassanersut suli isumaqatigiinniutigineqarput, partiilli
sammisaq ataaseq isumaqatigiissutigerpasippaat:
Innuttaasunik
kiffartuussivik Kalaallit Nunaata Radioa (KNR) politikkikkut
ikiorneqartariaqarpoq.
Naalakkersuisunngortussat marsip aqqarnani qinersisoqareermalli qanoq
isikkoqassanersut suli isumaqatigiinniutigineqarput, partiilli
sammisaq ataaseq isumaqatigiissutigerpasippaat:
Innuttaasunik
kiffartuussivik Kalaallit Nunaata Radioa (KNR) politikkikkut
ikiorneqartariaqarpoq.
- Inuiaqatigiinni
nakkutilliisorput pingaarnerpaarpaaq tassa Kalaallit Nunaata Radioa
TV-alu massakkut uppeqqavoq, Siumumi siulittaasuusimasoq Erik Jensen
qinersinissaq aqaguttoq unnukkut KNR-ikkut oqallinnermi oqarpoq.
Qinersinerup kingorna
partiit ataatsimoorlutik tusagassiivik qanoq ikiorneqarsinnaanersoq
oqaloqatigiissutigissagaat neriuutigaa, tamannalu partiit
siulittaasuinit arlalinnit taperserneqarpoq.
KNR sivitsortumik
ajornartorsiuterpassuaqarsimavoq, aningaasatigut ajornartorsiutiniit
teknikkikkut ajornartorsiutinut aamma suliffimmi avatangiisinut
unammilligassaniit politikkikkut nalorninartorsiornermut.
Susoqarmanuna tassunga
killittoqartoq? KNR-ip unammilligassai kingulliit ataani
sammineqarput.
Soraarsitsinerit
Sulisut
16-it ullormi ataatsimi sulinerminnik unitsitsinerat pissutigalugu
KNR-imi sulisut sisamat, nutserisut marluk aaqqissuisullu marluk,
marsip arfineq-aappaanni soraarsinneqarput. KNR-imi sulisut
sulinerminni atugassarititaasut ajornerat tatineqarujussuaqqanerlu
naaggaarniarlugit unioqqutitsillutik sulinermik unitsitsipput.
Tusagassiivimmi
pisortaagallartup Bjørk Lange Olsenip Sermitsiamut allakkatigut
akissuteqarnermini soraarsitsinerit "unioqqutitsilluni
sulinermik unitsitsineq KNR-ip ingerlatsineranut annertuumik
akornusiivoq, taamaattumillu taamatut aalajangernissaq
pisariaqarsimavoq" tunngavilersuutigaa.
Sulisut
sisamat soraarsitaanerisa saniatigut tusagassiortut aqqaneq-marluk
allakkatigut mianersoqqussummik tunineqarput.
Suliffimmi avatangiisit
ilungersunartut sulisullu soraakaasut
KNR
piffissami sivisuumi sulisussaaleqinermik sulisooreersullu
suliinnarnissaannut ajornartorsiorpoq. Siorna qaammatit aqqanillit
ingerlaneranni sulisut 35-t KNR-imit soraarsimasut Sermitsiap
allaaseraa, tamatumalu saniatigut sulisut 15-it uippakajaarnertik
pissutigalugu napparsimalersimallutik. Taamanimiilli tusagassiortut
aaqqissuisullu arlallit soraarsimapput. Tamatuma saniatigut
nutaarsiassaqartitsivimmi pisortaq juulimi angerlartinneqarpoq,
sulisoqarnermut pisortaq novembarimi angerlartinneqarpoq, pisortarlu
Annga Lynge ukioq manna januaarimi angerlartinneqarluni.
Aqutsisut pillugit
unammilligassat
Aningaasatigut
teknikkikkullu ajornartorsiutit saniatigut KNR-ip iluani aqutsisut
pillugit aamma unammilligassaqarpoq. Tamanna sulisut
naammagisimaarinninnerannik misissuinerit arlallit takutippaat.
2024-mi juunimi nutaarsiassaqartitsivimmi sulisut ataatsimoorlutik
ernumassuteqarlutik qullersanut allagaqarput.
Nutaarsiassaqartitsivimmi pisortap aqutsinera sulisut akornanni
ersinermik toqqissisimannginnermillu pilersitsisimasoq
immikkoortortamilu avissaartuuttoqarneranik misigineq
nalinginnaasumik atuuttoq allakkami allaaserineqarpoq.
Nutaarsiassaqartitsivimmi pisortaq kinguninngua angerlartinneqarpoq.
Politikkikkut
nalorninartut tusagassiuutillu pillugit periusissiaq amigaataasoq
Tusagassiuutinut
politikki ersarissoq Naalakkersuisunillu politikkikkut pimoorussineq
annerusoq amigaatigineqartoq KNR-ip siulersuisuisa allakkatigut
arlaleriarlutik erseqqissartarsimavaat. KNR-ip suliassaminik
naammassinninnissaata qulakkeernissaanut politikkikkut
iliuuseqarnissamik naammattumik piumassuseqartoqarneq ajortoq
siulersuisut erseqqissartarsimallugu.
