Kommunalbestyrelsinngortussat
pingaarnertut suliassarissavaat innuttaasut sunniuteqaqataanissaasa
qulakkeernissaat, taamaalillutik aalajangeeqataasutut
sunniuteqaqataasutullu misigalutik kommunit aaqqissuussaanerani
takkuttussami.
Taama oqarpoq nunamut
namminermut Naalakkersuisoq Jess Svane (S), kommunit
aaqqissuussaanerisa allanngortinnissaannik 2029-mi pisussatut
ilimagineqartumik aaqqissuusseqqinnissamik ataatsimiititaliamut
siunnersuutit nuannaarutigalugit.
Kommunalbestyrelsinngortussat
pingaarnertut suliassarissavaat innuttaasut sunniuteqaqataanissaasa
qulakkeernissaat, taamaalillutik aalajangeeqataasutut
sunniuteqaqataasutullu misigalutik kommunit aaqqissuussaanerani
takkuttussami.
Taama oqarpoq nunamut
namminermut Naalakkersuisoq Jess Svane (S), kommunit
aaqqissuussaanerisa allanngortinnissaannik 2029-mi pisussatut
ilimagineqartumik aaqqissuusseqqinnissamik ataatsimiititaliamut
siunnersuutit nuannaarutigalugit.
- Borgmesterit qulequttat tallimat pingaarutillit isummerfigaat taakkulu kommunit nutaamik aaqqissuunneqarnissaannik suliap ingerlateqqinnissaanut aallaaviussapput. Pineqarput qanimut oqartussaaqataaneq, kommunit suliassaat, kommunit mikinerit suut kivissinnaaneraat, kommuunillu ataatsimut suut suleqatigiillutik kivissinnaaneraat, ilaatigut kommunit killeqarfii.
- Tamatuma saniatigut oqaluuserineqartut ilagaat kommunit aaqqissuuteqqinnissaannik suleriaqqinnissami kommunit innuttaat qanoq peqataatinneqarsinnaanersut, Jess Svane oqarpoq nassuiarlugulu kommunit nutaamik aaqqissuuteqqinnerat 2028-mi piariissasoq tulliani kommunimut qinersinissaq sioqqullugu.
Kommunalbestyrelsinngortussat
pingaarnertut suliassarilissavaat innuttaasut akuutinnissaasa
qulakkeernissaat, kommunit aaqqissuuteqqinnissaani piginneqataasutut
sunniuteqaqataasinnaasutullu misiginissaat siunertaralugu.
- Kommunit kommuunerujussuarnut kattunneranni innuttaasut ilaatinnginnerat kukkuneruvoq, kommunit annertunerusumik akisussaaffeqalernissaannik naatsorsuutigisat piviusunngunngimmata. taarsiullu qitiusumut katersuunnerulersitsisoqarpoq, tamannalu innuttaasut naammaginngilluinnarpaat. Taamaattumik kommunalbestyrinngortussat pingaarnertut suliassarilissavaat innuttaasut akuutinnissaasa qulakkeernissaa, Jess Svane oqarpoq.
