Kommunalbestyrelsip
septembarip ulluisa
24-anni ataatsimiinnerani kommunip
aningaasaqarneranik iluarsiiniarnerup ilaatut kommunimi
akileraartarnermut procentip annertusisinnissaa oqaluuseriaa,
akileraarutini procentpointinik marlunnik qaffaanissaq pillugu
apeqqut kommunip 2026-mut missingersuutaanik oqaluuserinninneranut
atatillugu siullermeertumik oqallisigineqarsimalluni.
Oqaluuserisaq
ilaasortanit tamanit tusaatissatut tiguneqarpoq, novembarimilu
inaarutaasumik aalajangiisoqassaaq.
Kommunalbestyrelsip
septembarip ulluisa
24-anni ataatsimiinnerani kommunip
aningaasaqarneranik iluarsiiniarnerup ilaatut kommunimi
akileraartarnermut procentip annertusisinnissaa oqaluuseriaa,
akileraarutini procentpointinik marlunnik qaffaanissaq pillugu
apeqqut kommunip 2026-mut missingersuutaanik oqaluuserinninneranut
atatillugu siullermeertumik oqallisigineqarsimalluni.
Oqaluuserisaq
ilaasortanit tamanit tusaatissatut tiguneqarpoq, novembarimilu
inaarutaasumik aalajangiisoqassaaq.
Oqaluuserisaq
oqaluuserineqaqqissasoq
imaqarniliami takuneqarsinnaavoq. Taamaalilluni pineqartoq suli
oqaluuserineqarnissaanut ammavoq, kommunalbestyrelsilli novembarimi
aalajangiussaqarnissaq sioqqullugu sammisamik sukumiisumik
oqaluuserisaqarnissaq isumaqatigiissutigaa.
Akileraarutini
procentit procentpointinik marlunnik qaffanneqassappata 2026-mi
Kommune Kujallermi innuttaasut kommunimut akileraarutini
annertunerusumik akiliuteqarnissaannik nassataqassaaq. Taamaasilluni ommunip isertitani amerlisissavai, taakkulu piffissamut
ungasinnerusumut taarsigassarsianik akiliuteqarnissamik,
aningaasaqarnermillu patajaallisaanissamik qulakkeerinnissapput.
Akileraarutini
procentinik marlunnik qaffaanissaq pillugu siunnersuut
Kommune
Kujallermi aqutsisoqarfiup pisortaqarfiullu 2026-mit kommunimi
akileraartitsinermut procentip procentpointinik marlunnik
qaffaaviginissaa kommunalbestyrelsimut inassutigaat.
Aningaaserivillu
isumaqatigiissutigisatut akiligassanik akiliinissamik
pisussaaffigisanut naleqqiullugit akiliinissamik pisussaaffigisaanik
kommunip piviusunngortitsisinnaanissaa qularnaarniarlugu 2026-mit
kommunimi akileraartitsinermut procentip procentinik marlunnik
qaffaaviginissaanik aqutsisoqarfiup pisortaqarfiullu inassuteqarnerat
imaqarniliami atuarneqarsinnaavoq.
Procentimik
ataatsimik qaffaaneq immikkut isertitanik 10 millionit
koruunit missaannik
tunisissaaq, aningaasaqarnermili anguniakkanik tamakkiisunik
taakkuninnga angusaqarnissamut tamatuma naammannginnera Kommune
Kujallermi sulianut tunngatillugu nalilersuutaavoq.
Procentpointimik ataatsimik kommunimi akileraarummik qaffaanerup nassatarissavaa kommunimi akileraarutit tamarmiusut Avannaata Kommuniani, kiisalu Kommune Qeqertalimmi akigititanut assingulernissaat, imaaliallaannartumilli koruuninik 20 millioninik taakkuninnga nassaarineqartussanik angusaqarniarluni naammassanngilaq, taamaattumillu akileraartitsinermi procentip procentpointinik marlunnik qaffanneqarnissaa inassutaavoq, imaqarniliami suliamut tunngasutut nalilersuinermit iluarsiinissamullu siunnersuummi erseqqissuliuutaavoq.
Aningaasaqarnermi
unammillerfiit
Aningaasaqarneq
patajaallisinniarlugu 2024-mi ukiakkut iluarseeqqinnissamut
pilersaarut Kommune Kujallermi kommunalbestyrelsip
akuersissutigaa. Pilersaarut
pingaarnertut pingasunik tunngaveqarpoq:
-100 millionit koruuninik
taarsigassarsiaqarneq,
- Aningaasarsiani aningaasartuutini 40 millionit
koruuninik
sipaaruteqarnerit,
- kiisalu isertitani, imaluunniit suliassaqarfiit
sinnerini sipaaruteqarnerni suli 20 millionit
koruunit.
Taarsigassarsiat 2025-mi upernaami pissarsiarineqarput, 2026-milu
decembarimit utertillugit akiliisarneq aallartinneqassaaq.
Kommune
katillugit 34,5 millionit
koruuninik
sipaaruteqarsimasoq 2025-mi aggustimi killiffiup takutippaa.
Taakkunanit aningaasarsianik suliassaqarfimmi taamaallaat 9 millionit
koruuningajaat
nassaarineqarsimapput, anguniagaq tassaasimalluni 40 millionit
koruunit.
Taamaalilluni iluarseeqqinnissamut pilersaarummi tamakkiisutut
aningaasaqarnermi anguniagaq suli piviusunngortinneqanngilaq, sulilu
anguniakkatut aalajangerneqartut taakku tikinnissaannut aningaasat
amerlangaatsiaqisut amigaataapput.
Kommunimut
tapiissutit ikilisut
Suliamut
imaqarniliami
takuneqarsinnaasutut kommune unammillerfimmik nutaamik
atugassaqalersimavoq: 2025-mut naleqqiullugu 2026-mi kommunimut
tapiissutit 14 millionit
koruuninik
ikilisinneqassapput, suliffissarsiortunut ikiorsiissutinut immikkut
ataasiartumik akiliutaasartoq atorunnaassammat.
Ikilisitsineq
tamanna pisoqarfimmik suli annertunermik ajortisaavoq, kommunillu
aningaasaqarnermi pisussaaffigisaminik piviusunngortitsisinnaanera
qularnaarniarlugu iluarsiissutinik nutaanik nassaartoqarnissaanik
nassataqartitsilluni.
Akileraarutit
qaffannissaat pillugit kommunalbestyrelse inaarutaasumik
2025-mi novembarimi aalajangiissaaq.
