Kommunip immikkut aningaasaliissutaareersut nunaqarfinni aqqusinerissaanissamut nuukkai
Avannaata Kommuniata 2 millionit koruunit nunaqarfinni aqqusinerissaanissamut atulersaarpai. Tamatumani siunnersuut kommunalbestyrelsimi suleqatigiit borgmesteriutitaqartut kommunip kommunalbestyresiata ataatsimiinnerani kingullermi akueraat. Illuatungiliuttulli missingersuutitigut ilassutissanik ilaartuineq mianernartutut isigimmassuk siunnersuut akuerinngilaat.
Avannaata Kommuniani nunaqarfinni aqquserngit iluarsartuunneqartariaqarput. Kommunili taamaaliornissamut karsiminiiittuuteqanngilaq. Taamaammat tamatumunnga matussutissat akimorlugu ingerlatsiviusuni ujartorneqassasut taakkualu siunnersuummut suleqatigiit borgmesteriutitaqartut akuerisaannut atorneqassasut, teknikkeqarnermut ingerlatsiviup siunnersuutigaa.
Assi: Sermitsiaq.AG
Avannaata Kommuniani
nunaqarfinni 21-usuni aqqusinerissaanissamut immikkut aningaasaliinissamik
siunnersuut, Avannaata Kommuniata kommunalbestyrelsiani suleqatigiit
borgmesteriutitaqartut, tassa Siumup aamma Naleqqap, akueraat.
- Nunaqarfiit
ilaanni aqquserngit pitsanngorsarnissaat pisariaqartinneqarpoq. Pitsanngorsarneqarpata
innuttaasunik, eqqagassalerinermut aammalu anartarfilerinermut sullissinerit
oqinnerusumik ataavarnerusumillu ingerlannissaat anguneqassaaq, siunnersuummi allassimavoq.
Kommunip nunaqarfiini
ukioq mannamiit aqqusinerissaasoqalernissaanut 2 millionit koruunik immikkoortitsisoqarnissaa,
Avannaata Kommuniata teknikkeqarnermut ingerlatsiviata kommunalbestyrelsenimut
inassutigaa.
- Taamaattorli
missingersuusiortarnermut inatsit naapertorlugu karsimiik aallerfissaqanngilaq.
Ingerlatsiviullu siunnersuutigaa akimorlugu ingerlatsiviusuni matussutissat
ujartorneqassasut.
Betonngimik aqqusinerissaaneq misilittagaqarfiulluartoq
- Nunaqarfinni
aqqussinerissaaneq betonngi atorlugu misilittakkat pitsaasuupput.
Misilittangarilersimasallu atorluarlugit aqqusinernik nunaqarfiit aqquserngi
naaffeqartumik ingerlanneqarsinnaallutik. Aqquserngit betonngi atorlugu
iluarsartuunneqassapput.
Immikkoortinneqartussatut siunnersuutigineqartut 2 millionit koruuniusut aqqusinerissaanissamut atortussarsiniarnermut
atorneqassapput.
- Ingerlatsivik
maskinanik aqqusiningissaaataasinnaasunik pissarsiornikuuvoq. Taakkualu
atorlugit aqquserngit annertunerpaartai ingerlaffigiuminarsarneqarsinnaallutik.
Ingerlatsiviup pilersaarutingaa maskiinat taakkua nunaqarfimmiit nunaqarfimmut
suliaqariartornermi ingerlaartinneqassasut, siunnersuummi allassimavoq.
- Avannaata
Kommuniani nunaqarfiit aqquserngi katillugit takimmata, suliniut ukiut tamaasa
ingerlanneqaruni aqquserngit pitsanngorsartuaannarnissai qulakkeerneqassaaq.
Kommunalbestyrelsemi illuatungilittut missingersuutitigut
ilassutissanik ilaartuineq mianernartutut isigimmassuk immikkut aningaasaliinissamik
siunnersuut akuerinngilaat.
