Kommunit millionilinnik annaasaqarnissaannut taarsiisoqassaaq

Akileraartarnermut aaqqissuusseqqinneq siullermeerneqarmat, aaqqissuusseqqinnerup kommuninut qanoq kinguneqarsinnaanera pillugu Inatsisartuni pasilliutiginnittoqangaarpoq.

Nunatta karsianut kommuninullu akileraarutitigut isertitat ikilinissaat aaqqissuusseqqinnerup kingunerissavaa, siullermeerneqarneranilu ingammik partiit illuatungiliuttut akornanni aaqqissuusseqqinneq kommunini sipaarniuteqartitsissasoq ernummatigineqarpoq.

Ataatsimut tapiissutit, ukiut tamaasa Namminersorlutik Oqartussanit kommuninut nuunneqartartut, aqqutigalugit kommunit taarsiiffigineqarnissaat Naalakkersuisut naatsorsuutigigaat, Inatsisartunut ilaasortamut Hans Enoksenimut (N) allakkatigut akissuteqarluni aningaasaqarnermut akileraartarnermullu naalakkersuisoq Erik Jensen (S) erseqqissaavoq:

- Taamaattumik, inummut ilanngaatip akileraartarnermik aaqqissusseeqqinnerup ilaatut qaffanneqartumit kommunit kalluarneqassanngillat, Erik Jensen allappoq, nangillunilu ilisimatitsivoq aningaasat taarserneqartussat annertussusaannut, tassunga ilanngullugu kommunit ataasiakkaat akornanni agguaannerat, ataatsimut tapiissutit pillugit kommuninut isumaqatigiinniarnerit maannakkut ingerlanneqartut apeqqutaassasut. 

Aaqqissuusseqqinneq kommuninut tamanut qanoq akeqassanersoq Hans Enoksenip paaserusuppaa.

Erik Jensenip akissutaani kommunit tamarmik immikkut inummut ilanngaatip qaffanneratigut akileraarutitigut isertitaasa appariarnerat ima naatsorsorneqarsimavoq:

Kommuninut ataasiakkaanut aningaasat annertussusaanni, kommunit akornanni akileraarutinit isertitat naligiissaarnerisa sunniutaat isiginiarneqanngitsut, Erik Jensen akissummi erseqqissaavoq.