Kujataani nuna sajuttoq
Kujataani nuna tallimanngormat sajussimasoq GEUS-ip uppernarsarpaa.
Nunap sajuffia assimi nalunaarsorneqarpoq.
Assiliisoq: GEUS
Tamanna Danmarkimi Kalaallit Nunaannilu nunap qanoq issusianik misissuiffiup (GEUS-ip) Sermitsiamut uppernarsarpaa.
GEUS naapertorlugu nunap sajunnera tallimanngornermi nal. 20:41 pivoq, ML 3.6-millu sakkortussuseqarluni. Nunarsuarmi nunamik aserorterisumik sajuttoqaraangat ML 6-imiit 9-mut sakkortussuseqartarpoq.
- Kalaallit Nunaata sineriaani sakkortusaavippassuarni takuneqarsinnaavoq, aamma nunani tamalaani nalunaarsorneqarsimavoq, ilisimatusartuuneq Trine Dahl-Jensen Kujataani nunap sajunnera pillugu oqarpoq.
Trine Dahl-Jensen naapertorlugu sumiiffimmi tassani nunap sajunnera akuttunngitsumik malugineqartarsimavoq.
Nunap sajunneranut suna pissutaavinnersoq ilisimaneqanngilaq.
Nunap sajunneranit GEUS-ip Narsarsuarmi sakkortusaavianit nalunaarsukkamit assi takuneqarsinnaavoq.
