Air Greenlandip qulimiguullit H155-it atorlugit avannaani ilaasunik angallassinera piffissami sivitsortumi annertuumik unammillernartoqarpoq, tamannalu Upernavimmi nunaqarfiinilu, minnerunngitsumillu nunaqarfiit avannarlersaanni Kullorsuarmi, innuttaasunut pisortallu suliffeqarfiinut annertuumik sunniuteqarnerluppoq.
Tamanna ajuusaarnartoq piffissamili qaninnerpaami angallannerup naliginnaasumik ingerlaqqilernissaa pillugu sulisoqartoq Air Greenland paasissutissiivoq.
Air Greenlandip qulimiguullit H155-it atorlugit avannaani ilaasunik angallassinera piffissami sivitsortumi annertuumik unammillernartoqarpoq, tamannalu Upernavimmi nunaqarfiinilu, minnerunngitsumillu nunaqarfiit avannarlersaanni Kullorsuarmi, innuttaasunut pisortallu suliffeqarfiinut annertuumik sunniuteqarnerluppoq.
Tamanna ajuusaarnartoq piffissamili qaninnerpaami angallannerup naliginnaasumik ingerlaqqilernissaa pillugu sulisoqartoq Air Greenland paasissutissiivoq.
Iliuuseqartoqartariaqartoq
Qulimiguulik Upernaviup eqqaani atorneqartoq ajortikkaangat silamilluunniit peqquteqartumik angalasinnaanngikkaangat piffissami sivisuumi angallannerup unittoorluinnartarnera akuersaarneqarsinnaanngitsoq, Kullorsuarmi innuttaasoq Birgitta Kammann Danielsen oqarpoq.
- Angallassinissatut pilersaarutaasut taamaatiinnarneqartartut amerlavallaarujussuarput, taamaammat qulimiguullit maannakkut atorneqartut tulluartuunngitsut takuneqarsinnaavoq.
Qulimiguullit H155-it atorlugit Air Greenlandip avannaani ilaasunik angallassinera piffissami sivitsortumi annertuumik unammillernartoqarpoq, tamannalu Upernavimmi nunaqarfiinilu, minnerunngitsumillu nunaqarfiit avannarlersaanni Kullorsuarmi, innuttaasunut pisortallu suliffeqarfiinut annertuumik sunniuteqarnerluppoq.
Assi: Birgitta Kammann Danielsen.
- Aammali suluusallit atorlugit Ilulissaniit Upernavimmut angallassineq taamaatitsiinnarnermik amerlasuunik eqqugaaqqavoq, tamannalu aamma aaqqiivigineqartariaqarpoq, taanna oqarpoq.
Qaammat ataasingajak kinguaattoortut
Stiinannguaq Olsenip qitornani Kullorsuarmiit Upernavimmut nakorsiaannikuuaa. Taakku 15. apriili Kullorsuarmut utertussaagaluarput, angalanissalli taamaatiinnarneqartarnerat pissutaalluni aatsaat 10. maaji Kullorsuarmut aallartussanngorput.
- Peqqinnissaqarfik aqqutigalugu Upernavimmiit nunaqarfinnut angalasussat arlaqarput, taakkulu uagutsinniit suli sivisunermik utaqqisunik ilaqarput.
- Angalaniarneq ajorluinnarpoq, taamallu sivisutigisumik utaqqisariaqarneq assut qasunarpoq, taanna oqarpoq.
Taassuma qitornaa Kullorsuarmi atuartuuvoq, kisiannili Kullorsuarmiilli aallarami maannamut suli atuaqqissimanngitsoq, Stiinannguaq Olsen oqarpoq.
Kullorsuarmut angalanissanik taamaatititsiinnartarneq pissutaalluni, Kullorsuup Atuarfissuani sulisut atuartullu ilaasa piffissami sivisuumi tikinneq ajulertarnerat annertuumik ajornartorsiutaasoq, atuarfiup pisortaa Meqo Jensen paasissutissiivoq.
Ajuusaarnartoq
Upernavimmi pigisaanilu qulimiguulimmik angallannermi apriilimi unitsitsiinnartarneq, silamik, kiisalu apriilip 17-iata kingorna qulimiguullip sumiiffimmi tassani atorneqartartup teknikkikkut ajoquteqarneranik peqquteqartoq, Air Greenlandimi attaveqatigiinnermut siunnersorti Aminnguaq Dahl Petrussen paasissutissiivoq.
- Upernavimmi nunaqarfiinilu qulimiguulimmik angallassineq piffissami matumani unammillernartoqarpoq, tamannalu Air Greenlandimit ajuusaarutigaarput, isornartorsiuillutillu saqqummertartut paasisinnaallutigit, taanna oqarpoq.
Ukiup massuma aallartinneranit, Upernavimmiinnaanngitsoq aammali sumiiffinni allani silamik peqquteqartumik kinguaattoortarnerit ukiut siuliinut sanilliullugit amerlanerusimasut, tamanalu ukiup aallartinneraniilli Air Greenlandimut unammillernarsimasoq, Air Greenland paasissutissiivoq.
Aaqqissuteqartoqalersoq – silali akornutaasoq
Air Greenlandip paasissutissiinera naapertorlugu qulimiguulik Qaanaami angallassinermini teknikkikkut ajoquteqalerpoq, Ilulissiaanneqartariaqalerlunilu, tamannali silamik peqquteqartumik sivittajaamik pisinnaasimanngilaq. Piffissami tassani Upernavimmi qulimiguulimmik taarteqartitsinissaq aamma periarfissaasimanngilaq, qulimiguullit tamarmik sumiiffinni angallannermut isumaqatigiissuteqarfiusumi angallassinerat peqqutigalugu.
- Maannali qulimiguulik teknikkikkut ajoqutilik Upernavimmi angallassisoq aaqqissuunneqareersimalerpoq. Sulili angallassinnginneranut akimmiffiusoq tassaavoq, qulimiguullip Upernavimmut angallassiartorluni, silamik peqquteqartumik aallarsinnaanngikkallarnera, Aminnguaq Dahl Petrussen oqarpoq.
Sila atoruminarseriarpat qulimiguullip erngertumik angallassiartorluni apuunneqarnissaa neriuutigineqartoq, silali akimmisaartitsileraangat sillimaniarnermi maleruaqqusat maleqqissaarlugit angallassinerit ingerlanneqartartut taassuma erseqqissaatigaa.
