Kunngip tikeraarnini naggaserlugu imarsiornerup anersaava misigaa
Kunngip Frederiup Kalaallit Nunaannut tikeraarnerani pisortatigoortumik pilersaarutit Nuummi Imarsiornermut Ilinniarfimmi naammassineqassapput, tassanilu kunngi imarsiortuusaarluni misiliissaaq.
Kunngi Frederik X Nuummi Imarsiornermik Ilinniarfimmut pingasunngornermi apriilip 30-ani 2025-mi pulaarpoq. Kunngi apriilip 29-ani 30-anilu Nuummiippoq. Tikeraarneq Kalaallit Nunaata sammineqarnerujussuata nalaani pivoq. Kunngi tikeraarnermini inuit qanimut naapippai, kangerlummut angalaarluni nunallu naalakkersuisortaavi nereqatigalugit.
Ida Marie Odgaard
Kunngip Frederiup Kalaallit Nunaannut tikeraarnermini ornitassaani kingullermi pissanganeq malugineqarsinnaavoq.
Umiarsiornermik Ilinniarfik Nuummiittoq. Tassani sulisut kunngi ilassiorniarlugu piareersimapput.
Kunngi isermat inimi nipaaruppoq. Ilinniarfimmut appakaatinnginnermini najuuttut assammittaarpai.
Taava inimut kilisaatip aquttarfiatut ittumut iserpoq, tassanilu skærmerpassuit, aquut takuneqarsinnaapput
Kunngi Frederik kilisaataasuusaartitap aquttarfianut iserami illarluni ima oqarpoq:
- Hajja, arlaannik sutitaalerlunga malugisinnaavara.
Tikeraarnera sivitsortoq
Kunngip tikeraarnera Nuummi sumiiffinnik arlalinnik pisussaqalerneranik sivitsorneqarpoq. Kunngi pilersaarutaaqqaaraluartut malillguit Ilisimatusarfimmut pingasunngornermi taamaallaat pulaartussaagaluarpoq. Pilersaarutilli ilaneqarnerisigut Inatsisartut siulittaasuat Kim Kielsen (S) aamma Kalaallit Nunaanni Imarsiornermik Ilinniarfik pingasunngornermi ualikkut kunngimik pulaarneqarput.
Kunngi tikeraarnermini tamanit tikilluaqquneqarluarpoq, ingammik Katuami marlunngornermi kaffillernermi.
Kunngip pulaarnera nuannarineqarluartoq malugineqarsinnaavoq. Imarsiornermut Ilinniarfik aalisarnermut, imaatigut angallannermut piniarnermullu tunngasunik ilinniagaqarnissamik neqerooruteqarpoq.
Oqaatigineqareersutut pilersaarutit pisortatigoortut taanna kingullersaraat. Station Nordimut Danmarkimi illersornissamut ministeri Troels Lund Poulsen ilagalugu Station Nordimut ingerlaqqittussaagaluarpoq, tassani Siriuspatruljen ornittussaagaluarlugit. Silarlunnerani pissutaalluni tamanna taamaatiinnarneqarpoq.
Kunngi qaqugu angerlarumaarnersoq suli naluarput.
