KL

DK

Kuno Fenckerip allaaserisaq ilumuunnginnerarpaa: Nutaarsiassaq tunngavissaqanngilaq

Frihedsbrevetimi Kuno Fenckerip USA-mut angalanera pillugu allaaserisaq tusagassiuutit arlallit maannakkut issuaaffigaat. Allaaserisaq sallumik ulikkaartoq pineqartoq oqarpoq.

Kuno Fencker USA-mut januaarimi angalareernerata kingorna Kalaallit Nunaanni Danmarkimilu maluginiarneqangaarpoq.
Morten Okkels Tusagassiortoq
Saqqummersinneqarpoq

Kuno Fenckerip qanittukkut Washington D.C.-mut nammineq inuttut namminerlu akiliilluni tikeraarnini pillugu oqaluttuarnera arlalinnik nassuiaatinik amigaateqarpoq.

Frihedsbrevetip allaaserisaani pisimasuunerakkat arlallit taama ipput, taakkulu ullaaq manna tusagassiuutinit allanit issuaaffigineqarput.

Kuno Fencker nalunaaqutaq qulinngulersoq sianerfigigatsinni ataatsimiititaliapmut ataatsimiilerluni oqarpoq. Taamaattumik Siumumi politikeri ataatsimut isigalugu oqaaseqarpoq:

– Ilumuunngilluinnarpoq. Allassimasut salluliornerupput. Angalanera nammineq akilerpara. Kontonni nammineq takusinnaavarsi, Kuno Fencker oqarpoq.

- Taava aamma akunnittarfimmut allanullu akiliivit?

- Akunnittarfimmiinngilanga. Ataatsimiilerama, oqaluuteqqissaagut.

Kuno Fencker politikkikkut aaqqissuussanut aningaasanik hunnorujutuusindilinnik naleqartunik isissutissanik tunineqartarsimasoq, aamma Amerikami politikkerinik isummersortartunik isertortumik ataatsimiinnernut peqataasimasoq Frihedsbrevetimi allaaserineqarpoq. Aaqqissuussat inuussutissarsiortumit Tom Dansimit taassumalu peqatigiiffianit American Daybreakimit aaqqissuunneqarput, aallartitallu aamma Det Hvide Husimukarput.

Allaaserisami suut eqqunnginnerarnerai itisilertinniarlugit Kuno Fenckerip apersoqqinnissaa sulissutigaarput.

inuiaqatigiit grønland kuno fencker samfund usa

ATORFIIT Se alle jobs

Powered by Labrador CMS