Lars Løkkep USA-p Kalaallit Nunaannik tiguaasinnaalluni akissutaa isornartorsioraa
USA-p illersornissamut ministeriata Kalaallit Nunaata tiguarneqarsinnaanera pillugu apeqqutit sisamanngornermi ersarissumik akinngilai.
Tamanna isornarpoq, pakatsinarlunilu naalagaaffeqatigiinnermik tatisinermut akiortariaqakkatsinnut ilasaataasarpoq, Lars Løkke Rasmussen USA-p illersornissamut ministeriata sisamanngornermi oqaaseqaatai pillugit oqarpoq.
Assi: Claus Bech/Ritzau Scanpix
USA-p illersornissamut ministeriata Amerikamiut Kalaallit Nunaannik tiguaanissaannik pilersaarutaannik erseqqissumik itigartitsinnginnera „isornartorsiorneqartariaqarpoq“.
Nunanut allanut ministeri Lars Løkke Rasmussen (M), Bornholmimi Folkemødemi partiip siulittaasuata oqalugiareernerata kingorna tallimanngornermi tusagassiortunik katersortitsinermi taama oqarpoq.
Tamanna pakatsinarpoq, naalagaaffeqatigiinnermullu tatisinermut akiortariaqakkatsinnut ilasaataasarpoq, Lars Løkke Rasmussen oqarpoq.
USA-p illersornissamut ministeriata, Pete Hegsethip, USA-p Kalaallit Nunaannik tiguaanissamik pilersaaruteqarnera pillugu apeqqutit toqqaannartumik akisimanngimmagit nunanut allanut ministeri taama nalunaaruteqarpoq.
Hegseth kongressimi ataatsimiititaliami sisamanngornermi arlaleriarluni tamanna pillugu aperineqarpoq.
USA-p illersornissamut ministereqarfiata Kalaallit Nunaata Panamallu sakkutuunit tiguarneqarnissaannut piareersimanissaq politikkigineraa ilaatigut aperineqarpoq.
- Illersornissamut ministereqarfimmi suliassarput tassaavoq pilersaarusiorneq,“ Hegseth akivoq.
/ritzau/
