ULLOQ UNNUARLU NALUNAARUSIAQ
Lastbiili tillinneqariaraluartoq
Nukappiaraq Nuussuarmi lastbiilimik ataasinngornerup unnuaani tilleriaraluarpoq.
Assiliisoq: Leiff Josefsen
Nuup illoqarfiata ilaani Nuussuarmi lastbiili tillinniarneqartoq Kalaallit Nunaanni Politiit ataasinngornerup unnuaani nalunaaqutaq 03.59 nalunaarfigineqarput.
Politiit ornigussimasut pigaartut pisortaat Jeppe Andsager oqarpoq:
- Nukappiaraangunarpoq lastbiilimik sivikitsumik ingerlaarsimavoq. Politiit takkunneranni nukappiaraq qimaavoq, Jeppe Andsager oqarpoq.
Politiit qimmiata nukappiaraq malikkaluarialugu tammarpaa.
Pisimasoq tamanna pissutigalugu pigaartut pisortaata innuttaasut biilit paarnaarsimanersut qulakkeertaqqullugu matuersaatillu peernissaat isumannaartassagaat kajumissaarutigaa:
- Pisussaaffigaarput, pigaartut pisortaat oqarpoq.
