Pingasunngornermi
ullaap tungaani USA-mi præsidentinngortussaq Donald Trumpiusoq inissippoq.
Trumpip Kalaallit
Nunaat pillugu oqaluttuarisaanera immikkorluinnaq ittuuvoq, 2019-imimi
Kalaallit Nunaat Danmarkimit pisiariniarlugu neqerooruteqarmat nunarsuaq
tamakkerlugu uissuummertoqarmat. Kalaallit Nunaalli Issittorlu
eqqarsaatigalugit maanna suut pilersaarutigai?
Pingasunngornermi
ullaap tungaani USA-mi præsidentinngortussaq Donald Trumpiusoq inissippoq.
Trumpip Kalaallit
Nunaat pillugu oqaluttuarisaanera immikkorluinnaq ittuuvoq, 2019-imimi
Kalaallit Nunaat Danmarkimit pisiariniarlugu neqerooruteqarmat nunarsuaq
tamakkerlugu uissuummertoqarmat. Kalaallit Nunaalli Issittorlu
eqqarsaatigalugit maanna suut pilersaarutigai?
Illersornissamut
ilinniarfiup lektoria Jon Rahbek-Clemmensen oqarpoq tamanna
siulittuutigiuminaalluinnartoq, Donald Trumpimi præsidentitut siumut
oqaatigineqarsinnaanngilluinnartuummat.
Siullertut, Trump Det
Hvide Husimut uteqqikkaluarpalluunniit Kalaallit Nunaata USA-llu akornanni
pissutsit amerlasuut allanngornavianngillat. Tamatumunnga pissutaavoq Kalaallit
Nunaata nunarsuarmi politikkimut suli pingaaruteqartutut USA-llu illersornissaanut
aalajangiisuusutut isigineqarnera, Jon Rahbek Clemmensen naliliivoq.
Trumpip eqqissinissamik neriorsuutini eqqortissinnaavaa?
Trumpili Ukrainemi akerleriinneq aaqqinniarlugu qineqqusaarnermi neriorsuutini eqqortippagu, tamanna Kalaallit Nunaanni Issittumilu isumannaallisaanermut ajunngitsumik sunniuteqarsinnaavoq, taanna oqarpoq erseqqissarlugulu pissutsit ‘isumalluarnartuusut’:
- Trumpip Ukrainemi sorsunneq aaqqissinnaappagu, aaqqiissut tamanna Ukrainemut ajorluinnassagunarpoq, Ruslandimulli attaveqarnerup nalinginnaanerulernissaa takorloorneqarsinnaavoq.
- Issittumi arlaatigut pissanganannginnerulersitsissaaq. Naalagaaffiit pissaanillit suli unammilleqatigiissapput, pissanganannginnerulersinnaavorli. Taama isumalluarnartutut taaneqarsinnaavoq, Jon Rahbek-Clemmensen, Issittumi Illersornissaq pillugu ilinniakkami Illersornissaqarfiup Ilinniarfiani lektori, Sermitsiamut oqarpoq.
Pissanganassuseq appartinneqarpat nunat tamalaat akornanni, soorlu Issittumi Siunnersuisoqatigiinni, Ruslandi suleqatigileqqinneqarsinnaavoq.
Navianartorsiorusunneq allamut sangutitsisinnaavoq
- Trumpip Ukrainemi sorsunneq aaqqissinnaappagu, aaqqiissut tamanna Ukrainemut ajorluinnassagunarpoq, Ruslandimulli attaveqarnerup nalinginnaanerulernissaa takorloorneqarsinnaavoq, John Rahbek-Clemmensen oqarpoq.
Jon Rahbek-Clemmensenip erseqqissarpaa Issittumi pissutsit eqqissisimanarneruleraluartut Trump suli siumut ilimagereerneq ajornassasoq, tamannalu pissutsinik allamut sangutitsisinnaavoq:
- Trumpip periaasia navianartorsiornissamut piumassuseqarnermik sakkortuumillu iliuuseqarnissamik ilisarnaateqarpoq, tamannalu pissanganartumik annertusaaqataasinnaavoq, Jon Rahbek-Clemmensen oqarpoq, taassumalu nalilerpaa Trumpip aqutsinerata nutaap kalaallit aallartitatut sulinerat ’soqutinarnerulersissagaa’:
- Trump siumut ilimagereerneq ajornartuuvoq, immaqa Ruslandimut assortuiumatuujunerulissaaq.
- Tamanna Kalaallit Nunaannut akunnattoortitsissaaq, pissutsillu taamaattut sioqqullugit qanoq iliuuseqartoqarnissaanik eqqarsaatiginneqqissaarneq silatusaarnerussaaq.
Pisinissamimmi neqeroorut?
Donald Trumpip Kalaallit Nunaannik pisinissamut neqerooruteqartoqarnissaanik pilersaarumminik saqqummiusseqqinnissaa pillugu ilisimatusartoq qularpoq:
- Trump ilaannikkut siulersuisutut iliuuseqarusussuseqartutut isikkoqalerniarluni iliuuseqartarpoq, periusissiat eqqarsaatigivallaarnagit.
- Immaqa isuma taanna puiorsimanngilaa, isumaqarpungali piviusorsiortumik periusissarsinissaq ajornakusoorsinnaassasoq. Tamanna ullumikkut Danmarkip aningaasartuuterpassuarisaanik Amerikamiunut aningaasartuuterpassuaqartitsisariaqarpoq.
- Aningaasartuutillu suli amerlanerusariaqassapput, taamaanngippammi sooq Kalaallit Nunaat akuersissagaluarpa?
