LGBTQIA+ taaguutinik akuerisanik peqalerpoq
Kajumissutsimik peqatigiiffik Sipineq+, tulluusimaarutigalugu nalunaarutigaa Oqaasiliortut oqaatsit taaguutillu 2SLGBTQIA+inut tunngasut taaguusersuusiornertik akuerineqarmat.
Saamimmit: Cecilia Olsen-Heilmann, Lisa Larsen, Qillaq Olsen, Berda Larsen, Erni Kristiansen, Birte Olsen aamma Juno Berthelsen.
Sipineq+
Sipineq qallunaatut isumaqarpoq "det at sprække". Arnangasorlu qallunaatut isumaqarluni "feminin mand".
Kajumissutsimik peqatigiiffik Sipineq+, tulluusimaarutigalugu nalunaarutigissagatsigu
Oqaasiliortut oqaatsit taaguutillu Sipineq+-ip 2SLGBTQIA+inut tunngasunut taaguusersuusiliornerat akueraat. Assersuutigalugu kalaallisut"Jeg er nonbinær" oqaatiginiaraanni ima oqarsinnaalerput: "suiaassutsinut pituttorsimanngilanga".
Siulittaasoq, Qillaq Olsen naapertorlugu suliniut nunatsinni peqataatitsinermut paasinninnerulernissamillu siuarsaaqataassaaq, kiisalu nammineq oqaatitsinnik oqariartuuteqarsinnaalissalluta.
- Suliniummut suliaqaqataasut qujaffigerusuppagut, kajumissutsimik nutserisut suliaminnut - taakkoqanngippat taama annertutigisumik alloriarsimassanngikkaluarpugut taama sukkatigisumik. Taavalu ilaasortat kiisalu ataasiakkaat qujaffigerusuppagut, soqutiginnillutit attaveqarnikut suliniummullu siunnersuutinik paasissutissanillu tunniussisimasunut, kiisalu siulersuisut Sipineq+imi suliaqarsimaneranut suliniut piviusonngortinnissaanut peqatigiiffik 2023 suli aallartinngilaattaa.
- Aammattaaq Oqaasileriffimmut qujaffigerusuppagut isummat pigiliutiinnakkat atornagit ammasumik soqutiginnillutik aamma paasinnillutik taaguutinik oqaatsinillu assigiinnitsut suiaassuseq, kinguaassiutitigut paasissutissiineq, suiaassutsikkut kinaassuseq, suiaassutsikku takutitsineq kiisalu suiaassutsinut isiginnittaatit tunngasunik oqaloqatiginnissinnaammata.
Siunnersuut
Sipineq +-ip siunnersuutigaa kommunit, ilinniarfiit, kattuffiit, suliffeqarfiit minnerunngitsumillu innuttaasullumi taaguusersuusiliaq alapernaaffigissagaat.
- Oqaatsit taaguutillu iluanni nalunnginneqarpallaanngitsut taavalu kukkusumik atorneqarsinnaasarmata. Tamattaalluta tapersersortigu inuiaqatigiinni paatsooqatigiittarneq akiorniarlugu taavalu nunatsinni avatangiisit tapersersorniarlugit, paquminarsaaqataallutalu.