Mari Kleist Ilisimatusarfimmi rektorimut tullersortinngorpoq
Kulturimik, Oqaatsinik Oqaluttuarisaanermillu Immikkoortortaqarfimmi pisortaq Ilisimatusarfik tamakkerlugu maanna rektorimut tullersortinngorpoq.
Prorektorinngussaq Ilisimatusarfimmi qaffasissumik inissisimavoq, tassani ilisimatusartartuusimalluni, immikkoortortami aqutsisuusimalluni institutimi aqutsisuusimallunilu.
Assi: Ilisimatusarfik
Ilisimatusarfimmi siulersuisut rektorimut tullersortissamik atorfinitsitsipput, Mari Kleistilu toqqarneqartoq Ilisimatusarfik tusagassiutitigut nalunaarummi allappoq.
Mari Kleist Nuummi inunngorpoq peroriartorlunilu, kulturikkullu inuiaqatigiillu oqaluttuarisaanerat aamma issittumi itsarnisarsiorneq ilinniagaralugit.
Pisinnaasai tunniusimaneralu Ilisimatusarfiup ineriartortuarnissaanut pingaaruteqarluinnartumik sunniuteqarnissaa Ilisimatusarfiup atorfinitsitsinermut tunngavilersuutigaa:
- Mari
Kleist 2024-mi apriilimili Ilisimatusarfiup Kulturimik, Oqaatsinik
Oqaluttuarisaanermillu ilisimatusarfiani pisortaasimavoq. Taanna instituttip pisortaatut instituttip suliatigut avatangiisaata ineriartortinneqarnerini qitiusumik inissisimaffeqarsimavoq aamma suliatigut aaqqissugaanerullu iluani siuarsaaqataasimalluni.
- Marip siulersuinera nunatsinni nunallu tamalaat akornanni suleqatigiinnernik pingaarutilinnik aammattaaq pilersitsisimavoq. Misilittakkani taakkua aamma ilisimatusarfiup pisariaqartitaanik unammillernartitaanillu paasisimasaqarluarnini rektorimut tullersortinngorluni atorfittaaminut maanna nassassavai.
Mari Kleist februaarip aallaqqaataani 2025-mi atorfittaamini aallartissaaq.
