Matunnginnerani: Atuarfimmi kaffisortitsisoqarlunilu saqqummersitsisoqartoq
Atuarfik Samuel Kleinschmidtip – aamma ASK-imik taaneqartartup – atuarfissuaq nutaaq atulertinnagu ukioq atuarfiusoq kingulleq ingerlappaa.
Pingasunngormat atuarfimmi pisoqqami ukioq atuarfiusoq kingulleq nalliussiniarlugu Nuummi atuarfik ASK kaffisortitsivoq.
Atuarfiup aqqanik pilersitsisumik, Samuel Kleinschmidtimik, atuartut ataqqinninniarlutik eqqaaniaaniarlutillu suliaat assigiinngitsut kaffisoriartortut takusinnaavaat.
Samuel Kleinschmidt, Saamualeeraq, tyskip ajoqersuiartortitap ernera 1814-imi Kalaallit Nunaanni inunngorpoq, 1886-imilu toqulluni.
Ilaatigut kalaallit oqaasiinik paasissutissarpassuarnik uppernarsaasiornikuuvoq, tamatumunngalu atatillugu kalaallisut-tyskit oqaasiinik aamma kalaallisut-qallunaat oqaasiinik oqaatsit allattorsimaffiinik saqqummersitsisimalluni.
Pilersaarutit naapertorlugit atuarfimmi nutaami Nuummi illoqarfiup qeqqaniittumi ukiup atuarfiusup tulliata ingerlanneqalernissaanut atatillugu, Samuel Kleinschmidt eqqaaniarniarlugu atuarfik aalajangersimavoq, tassanilu ASK-imi USK-imilu atuartut atuassapput.
Tusagassiivik assiliisuminik najuutsitsivoq, allaaserisallu qulaani aaqqissuussami ornigarneqarluartumi assit takuneqarsinnaapput.
