Meeqqanut immiunneqarlutik apersorneqartunut ikorfartortit pikkorissartinneqartut
Meeqqat inuusuttullu politiinit immiunneqarlutik apersorneqartut toqqissisimanissaat ilisimasaqartuarlunillu sullinneqartarnissaat siunertaralugu najortinut siullermeerluni pikkorissaasoqarpoq.
Politiit meeqqanik immiussillutik apersuineranni najortaallutik ikorfartuisartut pikkorissarneqaqqammerput. Pikkorissaanermi meeqqanut tulluussakkamik tapersersuisinnaanissaat ilaatigut anguniarneqarpoq.
Modelfoto: Leif Josefsen
Kalaallit
Meerartaat Kalaallit Nunaanni Politiit suleqatigalugit immiussilluni apersuinermi Najortaasartunut ilinniusiorpoq.
Meeqqanut pinerluffigineqarsimasuni suliani immiussilluni apersuinerit atorneqarnerusarput. Pinerlunnerit taakkuusinnaapput meeqqanut kinguaassiuutitigut atornerluinerit.
Pikkorissaanermi peqataasut meeqqat inuusuttullu 15-it inorlugit ukiullit politiinit
apersorneqarneranni toqqissisimasumik meeqqanullu tulluussakkamik ingerlassinermi tapertaarsartunngornissaat anguniarneqarpoq.
Pikkorissaaneq siullerpaaq septembarip qiteqqunnerani ullormi ataatsimi
ingerlanneqarpoq, sinerissamiillu inunnit arfinilinnit peqataaffigineqarluni.
Najortit ikorfartuisuunerminni sakkussaqarnerulertut
- Pikkorissaanermi
videokkut illersuisutut sulinermi pissusissat itisilerlugit
pikkorissaatigineqarlutillu misilittarneqarput, Kalaallit Meerartaannit paasissutissiipput.
Pikkorissarnermut
peqataasut meeqqanut inuusuttunullu 15-it inorlugit ukiulinnut immiunneqarlutik apersorneqarneranni illersuisinnaalerput.
Pikkorissaaneq illersuisunut, illersuisunngorumaartussanut, Najortinut kiisalu meeqqanut
arfineq-pingasut 18-illu akornani ukiulinnut illersuisutut atuuffilinnut
naatsorsuussaapput, kiisalu inuusuttunut 24-t angullugit ukiulinnut nakkutigineqartumut
sullissisunut naatsorsuussaallutik.
Kalaallit
Meerartaat piffissami aggersumi Najortinut illersuisunullu
pikkorissaaqqissamaarpoq, soqutiginnittullu malinnaanissaanni kajumissaaralutik.
