Nunavummi
meeqqat 18-it inorlugit ukiullit 42 procentingajaat piitsuullutik
peroriartorput, meeqqallu arfinillit ataallugit ukiullit 50 procentii
piitsullutik peroriartorlutik. Canadap sinneranut sanilliullugit
amerlanerujussuupput.
Kattuffiit arlallit Campaign 2000-imik imminnut taallutik illoqutigiit pillugit
2022-miit naatsorsueqqissaartarfiit kisitsisaataat aallaavigalugit
nalunaarusiaanni atuarneqarsinnaavoq.
– Inuit najugaqarfiini ajoraluartumik atugaasorujuuvoq. Nunatta piitsuussusia
nunasiaanerup nalaani misigisanut attuumassuteqarluinnarpoq. Nunap
piitsuussusia nungutinniarlugu nunasiataajunnaarsaaneq namminerlu
aalajangiisinnaatitaaneq pisariaqarput, Amautiit Nunavut Inuit Women’s
Associationimi siulittaasoq, Jasmine Redfern, tusagassiuutinut nalunaarummi
Campaign 2000-imit nassiunneqartumi oqarpoq.
Nunavummi
meeqqat 18-it inorlugit ukiullit 42 procentingajaat piitsuullutik
peroriartorput, meeqqallu arfinillit ataallugit ukiullit 50 procentii
piitsullutik peroriartorlutik. Canadap sinneranut sanilliullugit
amerlanerujussuupput.
Kattuffiit arlallit Campaign 2000-imik imminnut taallutik illoqutigiit pillugit
2022-miit naatsorsueqqissaartarfiit kisitsisaataat aallaavigalugit
nalunaarusiaanni atuarneqarsinnaavoq.
– Inuit najugaqarfiini ajoraluartumik atugaasorujuuvoq. Nunatta piitsuussusia
nunasiaanerup nalaani misigisanut attuumassuteqarluinnarpoq. Nunap
piitsuussusia nungutinniarlugu nunasiataajunnaarsaaneq namminerlu
aalajangiisinnaatitaaneq pisariaqarput, Amautiit Nunavut Inuit Women’s
Associationimi siulittaasoq, Jasmine Redfern, tusagassiuutinut nalunaarummi
Campaign 2000-imit nassiunneqartumi oqarpoq.
Pissutaasut
amerlapput
Canada
tamaat isigalugu meeqqat 1,4 millioningajaat piitsuullutik inuupput. Tassa
meeqqat tallimaagaangata ataaseq, imaluunniit meeqqat 18 procentii. Ukiunilu
marlunni kingullerni meeqqat piitsut 5 procentpontimik, tassa 360.000-inik,
amerlisimapput. Nunavummi meeqqat piitsut piffissami tamatumani 6,8
procentpointimik amerlisimapput.
Redfern
naapertorlugu meeqqat piitsuunerannut pissutaasut assigiinngitsorpassuupput.
Ilaqutariit isertitaqarpiannginnerat pissutaaginnarani aammali meeqqat
inuiaqatigiinnut ilanngunnissaannut periarfissaat apeqqutaasarput. Canadamimi
meeqqanik paarsititsineq akisuvoq, ilaqutariillu amerlasuut akissaqanngillat.
Aningaasat naleerukkiartornerat aamma pissutigalugu aningaasarsiarineqartartut
nioqqutinut ulluinnarni pisariaqartitanut naammagunnaarsimapput, ingammik
avannarpasinnerusuni.
Kaammattuutit 60-it
Kattuffik
Child Care Now meeqqat piitsuussusiat annikillisinniarlugu kaammattuutinik
60-inik saqqummiussimavoq. Iluaqutaanerpaasinnaasorineqartussaq tassaassaaq
ilaqutariinnut aningaasaateqarpallaanngitsunut meeqqanut tapiissutit pioreersut
ilaneqarnissaat, tamatumalu atuutilersinnissaa ajornanngittuussalluni.
Kattuffilli naapertorlugu piffissami sivikitsumi meeqqat piitsuussusiat
annikillisinneqassaaq.
Canadami meeqqat 0-6-inut ukiullit piitsuullutik peroriartortut sumiinnerinut takussutissaq. Nunavummi amerlanerpaapput, tassanimi meeqqat 50 procentii imaluunniit meeqqat affaat piitsuullutik peroriartorput.
”Campaign 2000”
