KL

DK

Mittarfik quasammat Tuukkaq Københavnimut uterpoq

Air Greenlandip timmisartuanut Tuukkamut Nuummut ingerlaartumut ilaasut tallimanngornermi februaarip 21-ani Københavnimut utertariaqaleramik angalanerat unitsinneqarpoq. Air Greenland naapertorlugu mittarfiit quasaarnerat pissutaavoq, tamannalu Kalaallit Nunaata kitaata sineriaani tamarmi atuuppoq.

Tôrtia Reimer-Johansen
Tôrtia Reimer-Johansen Journalist
Offentliggjort

Nunatta kitaata sineriaani tamarmi, sisamanngornerup unnuaani silaannaap kissassusaa kiisalu sialuk nittaalarlu peqqutigalugit mittarfiit quatsertut, Air Greenland Facebookimini allappoq.

Timmisartuussinerit arlallit silamik peqquteqartumik kinguaattoorfiupput, ilaatigut Tuukkaq Københavnimut utertariaqalerneranik kinguneqartumik.

Angalasussat piffissamik nutaamik pissapput

Angalasussat angalasullu eqqorneqartut kingusinnerpaamik tallimanngornermi nalunaaqutaq sisamanut angalanissamut piffissamik nutaamik tunineqassasut, Air Greenland allappoq.

- Angalanerit pillugit paasissutissat kingulliit Air Greenlandip nittartagaani Air Greenland.gl-mi angalanermik paasissutissani imaluunniit Club Timmisap app-iani pissarsiarineqarsinnaapput.

traffic plan society air greenland nuuk inuiaqatigiit

Atorfiit tamaasa takukkit

– Se alle jobs

Powered by Labrador CMS