Mittarfiliorneq: Qaqortoq ulapaarfiuvoq
Qaqortumi sanaartornermik suliaqartut mittarfiliornissamut atortussanik assartuinermik ulapputeqarput. Assartukkat angisuut inissaqartinniarlugit aqquserngit matugallarneqartarput. Illoqarfimmi sanaartornermik suliaqartut suliassaqarluarnertik nuannaarutigaat.
Foto: Nina-Vivi Møller Andersen
Qaqortumi illoqarfimmi sanaartornermik suliaqartut mittarfiliornermut atortunik assartuillutik maanna ulapaarput.
Maskiinat angisuut assartorneqartut inissaqartinniarlugit aqquserngit ilaatigut matugallarneqartarput, oqimaatsullu assartorneqartut innuttaasuniit arajutsineqanngillat.
Assartuinissaarsuaq
Qaqortumi sanaartornermik suliaqartut, ilaatigut 60 North Greenland assartueqataalluni ulapaarpoq.
Malik Rasmussen, ingeniøriusoq 60 North Greenlandimilu sulisoq ulapaarneq oqaluttuaraa:
- Tankersuit, illuaqqat, asfaltiliuutillu allarpassuillu assartorpagut. Suliassarujussuuvoq. Illoqarfimmi nunaqavissutut suleqataanermut nuannaarutigaarput, Malik Rasmussen Sermitsiamut oqaluttuarpoq.
Foto: Nina-Vivi Møller Andersen
Aqquserngip matuneqarallartut
Assartuinerit annertummata Qaqortumi aqquserngip ilaatigut matuneqarallartariaqartarput. Assartugassammi angisuut oqimaarsullu inissamik pisariaqartitsimmata.
- Qaqortumi innuttaasut naatsorsuutigisinnaavaat aqquserngip ilaatigut matuneqarallartassammata. Ippassaq unnukkut neriffiup nalaani assartuivugut, inoqarpiannginnerani, taava akornusersuinnginniassagatta.
Malik Rasmussen nunaqavissutut ikiuussinnaanini nuannaarutigaa.
- Nuanneqaaq nunaqavissut atorneqarmata.
Foto: Nina-Vivi Møller Andersen
