NUTARTERNEQARPOQ
Mobildatamut attaveqaatit ajornartorsiortut
Atuisut arlallit mobiltelefonikkut mobildata atorlugu internetsersinnaanngikkallarput. Oqarasuaatinit sianernissat aamma ajornartut nalunaarutigineqarpoq. Misissuineq aallartinneqartoq, Tusass nalunaarpoq.
Leiff Josefsen
Nutartigaq: Tusass nalunaarpoq mobilinut attaveqaatit aamma ajoquteqartut, sianerniarnerlu ajornartoq.
Mobiltelefonit attaveqaataat teknikkikkut ajornartorsiuteqartoq, taamaattumillu atuisut ilaat mobiltelefonitik atorlugit internetimut attaveqarsinnaanngitsut, Tusass nalunaarpoq:
- Mobiltelefonit attaveqaataat teknikkikkut ajornartorsiuteqarpoq. Taamaattumik atuisut ilaat mobildatamik atassuteqarsinnaanngikkallarput.
Internetimik atuisut mobilimillu atuisut sunnerneqartut, misissuinerlu aallartinneqartoq, Tusass nittartakkamini nalunaaruteqarpoq.
Oqarasuaatit angallattakkaniit sianerniarneq ajornartoq
Tusass nittartakkamini ilisimatitsivoq atuisut oqarasuaatinit angallattakkanit sianerniarnertik aamma ajornartorsiutigisinnaagaat:
- Mobiilikkut atassutit aamma ajornartorsiuteqarput. Atuisut ilai sianersinnaanngillat. Normu 113 aamma eqqugaaqqavoq, Tusass allappoq.
