KL

DK

Múte B. Egede: Kalaallit Nunaata siunissaa uagut nammineq suliassaraarput

Naalakkersuisut siulittaasuata USA Danmarkilu Kalaallit Nunaata siunissaa pillugu akuliutissanngitsut erseqqissarpaa.

Kalaallit Nunaata siunissaanik kalaallit kisimik aalajangiisinnaasut Múte B. Egede (IA) oqarpoq.
Ritzaus Bureau
Saqqummersinneqarpoq

Kalaallit Nunaata siunissaa kalaallit kisiamik sulissaraat. Danmarkiunngitsup USA-lluunniit.

Taama ersaritsigisumik Naalakkersuisut siulittaasuat Múte B. Egede Facebookimi marlunngornermi allappoq.

- Uteqqillara - Kalaallit Nunaat kalaallit pigaat. Inuiattut siunissarput naalagaafinngornissarpullu, uagut nammineq ilutsinni suliassaraarput, allappoq.

- Danskit, amerikamiut allarpassuillu isumaqarsinnaapput, uisakajaartunulli sunnertinnata nammineerluta allanillu tikkuartuinata isumatusaartumik siunissarput pillugu aalajangiissaagut.

Ministeriuneq Mette Frederiksen (S) “Kalaallit Nunaat kalaallit pigigaat” marlunngornermi siusinnerusukkut aamma oqarpoq.

USA-mi præsidentinngortussaq Donald Trum inuit attaveqaqatigiittarfianni Truth Socialimi Kalaallit Nunaat pillugu marlunngornermi siusinnerusukkut allappoq.

- Taakkua silarsuarmilu kiffaanngissuseqarfiusumiittut isumannaatsuunissaq, toqqissisimaneq, nukissaqarnissaq eqqissinerlu pisariaqartippaat. Taanna isumaqatigiissutigineqassaaq.

Donald Trumpip USA-mi præsidentinngoruni Kalaallit Nunaata pigilernissaa qulakkeerniarlugu siusinnerusukkut oqaatiginikuuaa.

/ritzau/

inuiaqatigiit donald trump jr. múte b. egede nuuk samfund

ATORFIIT Se alle jobs

Powered by Labrador CMS