KL

DK

Naalakkersuisoq: Naartunaveersaatit pillugit siunnersuutit misissoqqissaarneqassapput

Innuttaasut tamarmik naartunaveersaatinik atuinissamut toqqissisimanissaat ilisimasaqarluarnissaallu qulakkeerniarlugu naartunaveersaatit pillugit siunnersuutit pisortanit misissorneqassapput.

Peqqissutsimut Naalakkersuisup Agathe Fontainip (IA) Nuummi peqqinnissaqarfimmi sulisut akisuumik inissinneqarnerat pillugu suliaq akuleruffigaa.
KASSAALUK KRISTENSEN
Digitalredaktør
Saqqummersinneqarpoq

Arnat amerliartuinnartut naartunaveersaat Depo-Provera atorunnaarniarlugu saaffiginnittartut, innuttaasullu hormoninik kanngussamillu spiralinik atuineq tunngaviusumik ajortumik isummerfigisaraat peqqinnissaqarfimmi sulisut maluginiarsimavaat.

Spiralilersuineq naartunaveersaatit ilaat pillugit ajortumik isiginnittaaseqalernermut tunuliaqutaavoq, tassani arnat niviarsiaqqallu 1960-ikkunni ilisimatinneqaratik akuersinatillu naartunaveersaatinik spiralilertinneqartarput.

Peqqissutsimut Naalakkersuisoq Agathe Fontain (IA) maannaqisuariarpoq, erseqqissarpaalu naartunaveersaatit pillugit siunnersuutit tamarmik misissorneqartariaqartut:

- Innuttaasut naartunaveersaatit pillugit aalajangiiniartillutik toqqissisimallutillu ilisimatinneqarluarsimanissaat pingaaruteqarpoq. Taamaattumik ilitsersuutit aamma paasissutissat tamarmik nutarterneqarsimanersut aamma pissarsiariuminarnersut allattoqarfinnit misissorneqarnissaat piumaffiginnippunga, peqqissutsimut naalakkersuisoq Agathe Fontain naartunaveersaatit pillugit tusagassiutitigut nalunaarummut malitseqartitsilluni oqarpoq.

Arnaq nammineq toqqaasinnaatitaavoq

Peqqinnissaqarfimmi naartunaveersaaserneqarnissamut periarfissat assigiinngitsut pillugit, innuttaasut tamarmik paasissutissanik nutaajunerpaanik aamma eqqornerpaasunik pissarsisinnaanissaat qulakkeerniarlugu taamatut iliuuseqartoqarpoq, Naalakkersuisut allapput.

Peqqinnissaqarfik naartunaveersaatinik assigiinngitsunik neqerooruteqarpoq, P-piller, P-ring, Depo-Provera (P-kapuut), hormon aamma kobberspiral. 

 Naartunaveersaatit tamarmik innuttaasunut akeqanngillat. Arnat sukumiisumik ilitsersorneqareerlutik paasitinneqareerlutillu namminneq naartunaveersaammik toqqaasinnaatitaasut peqqissutsimut Naalakkersuisoq naqissusiivoq. 

spiralsagen prævention inuiaqatigiit agathe fontain sundhed samfund

ATORFIIT Se alle jobs

Powered by Labrador CMS