Naalakkersuisoqarfik nutaamik pisortartaartoq
Mikael Mansi Rasmussen isumaginninnermut, suliffeqarnermut nunamullu namminermut naalakkersuisoqarfimmi pisortatut atorfinitsinneqarpoq.
Mikael Mansi Rasmussen isumaginninnermut, suliffeqarnermut nunamullu namminermut naalakkersuisoqarfimmi pisortanngorpoq.
Assi: Naalakkersuisut siulittaasoqarfiat.
43-nik ukiulik Mikael Mansi Rasmussen isumaginninnermut, suliffeqarnermut nunamullu namminermut naalakkersuisoqarfimmi pisortatut Naalakkersuisut atorfinitsippaat.
Naalakkersuisuit siulittaasoqarfiat tusagassiuutitigut nalunaarummi allapput.
Mikael Mansi Rasmussen Kommune Qeqertalimmi kulturimut, sunngiffimmi, timersornermut, pinaveersaartitsinermut Majoriamullu ingerlatsivimmi immikkoortumi aqutsisutut atorfimmiit nuussaaq.
Mikael Mansi Rasmussen suliffeqarfimmi aqutsisutut misilittagaqarluarnermigut pitsaasumik inissisimasoq naalakkersuisoqarfimmiit eqqaaneqarpoq:
- Executive MBA-mi ilinniagaqarnermigut ukiunilu arlalinni pisortat suliffeqarfiutaanni aqutsisutut misilitagaqarnermigut, suliaqarfinni sulisut peqatigalugit suliassanut kivitseqataalluarnissamut misilittagaqarpoq, allapput.
Mikael Mansi Rasmussen 2025-mi decembarip aallaqqaataani atorfimmi aallartissaaq.
