KL

DK

Naalakkersuisut: Kalaallit Nunaat kalaallit pigaat

Kalaallit Nunaat nunallu siunissaa kalaallit namminneq pigigaat Naalakkersuisut ataatsimoorussamik nalunaarutigaat. Nalunaarut Donald Trump Jr.'ip Nuummi tikeraarnerata kingorna Donald Trumpillu Kalaallit Nunaanik tiguaaniarnerminik oqaaseqarnerata kingorna oqariartuutitut saqqummiunneqarpoq.

Kalaallit Nunaat kalaallit nammineq pigaat. Naalakkersuisut tusagassiorfinnut pingasunngornermi unnukkut taama nalunaaruteqarput erseqqissarlugu nunatta namminiilivinnissaata tungaanut nunanut suleqateqarnerup annertusarnissaanut ammasoqartoq.
KASSAALUK KRISTENSEN
Digitalredaktøri
Saqqummersinneqarpoq

- Kalaallit Nunaat kalaallit pigaat – Kalaallillu Nunaata ineriartornera siunissaalu taamaallaat inuiannit kalaallinit aalajangerneqassaaq. Namminiilivinnissamik sorsuutiginninneq kalaallit oqartussaaffigaat. 

USA-p præsidentinngortuata Donald Trumpip Kalaallit Nunaannik tiguaaniarluni oqariartuuteqareernerata kingorna Naalakkersuisut ataatsimoorlutik tusagassiuutinut nalunaaruteqarnerminni taama aallarniipput.

Kalaallit Nunaat nunarsuarmi oqaluuserineqarlualerpoq Donald Trump Jr.-ip marlunngornermi januaarip arfineq-aappaani Kalaallit Nunaannut tikeraarnerata, tamatumalu kingorna Donald Trumpip Kalaallit Nunaata tiguarnissaanik oqaaseqarnerata kingorna – sakkulersornerlu atunngivissinnaannginnerlugu oqaatigisinnaanngereeraalu.

Naalakkersuisut ataatsimut tusagassiuutinut nalunaarummi eqqissisaapput erseqqissarlugulu pisinnaatitaaffiit suli atuuttut:

- Siunissarput uagut nammineq aalajangigassaralugulu ilusilersugassaraarput. Inuiattut nammineertutut pisinnaatitaaffivut ilisimaaraagut.

Suleqateqarnissaq ammaffigineqartoq

Naalakkersuisut erseqqissaatigaat Kalaallit Nunaata namminiilivinnissamut sulinerani suleqatigiinnerup annertusarnissaanut ammasoqartoq.

- Kalaallit Nunaata Namminiilivissup anguniarnerani nunanik sanilitsinnik qaninnermik annertusisamik siunnerfilimmillu suleqateqarnissamut ammavugut. Inuussutissarsiornermik suleqatigiinnermut, nunatsinni aatsitassarsiornerup iluani, nunattalu aatsitassaataanik pingaarutilinnik ineriartortitsinermut immikkoortunillu attuumassuteqartunik allanik periarfissat pillugit Kalaallit Nunaata USA-mik oqaloqatiginninnissani qilanaaraa. 

Nalunaarummi erseqqissarneqarpoq USA Kalaallit Nunaata nunatut suleqataasa iligisaasalu pingaarnerit ilagigaat.

- Issittumi sillimaniarnermi politikikkut inissisimanerup allanngornera, Kalaallit Nunaata ilisimaaraa. Kalaallit Nunaata USA-p nunatut sillimaniarnikkut soqutigisaani aalajangiisuullunilu pingaaruteqartuunera paasillugulu akueraarput. Tamannalu Kalaallit Nunaata avannaani Amerikamiunut pingaarutilimik sakkutooqarfeqartitsineranut patsisaavoq. 

naalakkersuisut inuiaqatigiit donald trump arktis samfund trump-besøg sikkerhedspolitik

ATORFIIT Se alle jobs

Powered by Labrador CMS