Akit qaffakkiartornerat sivisuumik oqallisigineqarput – angerlarsimaffinni, sullivinni inoqatinullu nittartakkakkut attaveqaatini. Taamaakkaluartoq ikummatissat akitsornerat innuttaasunut pakatsissutaalaavippoq.
ILAMI FACEBOOK nioqqutissat ulluinnarni atortussat tassanngaannaqisumik akitsupiloorrannerannut tunngasunik ullunani makkunani siammarteriffiungaatsiarpoq. Assersuutigalugu punneq laktoseqanngitsoq sapaatip akunnerata ataatsip ingerlaneriinnaani 13 koruunimik akitsorsimasoq punnerlu alla tassa
Akit qaffakkiartornerat sivisuumik oqallisigineqarput – angerlarsimaffinni, sullivinni inoqatinullu nittartakkakkut attaveqaatini. Taamaakkaluartoq ikummatissat akitsornerat innuttaasunut pakatsissutaalaavippoq.
ILAMI FACEBOOK nioqqutissat ulluinnarni atortussat tassanngaannaqisumik akitsupiloorrannerannut tunngasunik ullunani makkunani siammarteriffiungaatsiarpoq. Assersuutigalugu punneq laktoseqanngitsoq sapaatip akunnerata ataatsip ingerlaneriinnaani 13 koruunimik akitsorsimasoq punnerlu alla tassa
Kærgården 60 koruuneqalersimasoq paasinarsivoq! Akit taakkua Nuummi, tassa akikinnerusunik nioqqutissaatiliusartutut sineriammiunit ilisimaarineqartumi siumorneqarput.
FACEBOOKIMIMI gruppemik nioqqutissat assigiinngitsut akitsornerannik malinnaaffiusinnaasumik januaarimi pilersitsisoqarpoq. Gruppemi tassani ilaasortat maannamut 1700-t missaanniissimalerput, taakkunannga 950-t missaat sapaatit akunnerata siuliata ingerlanerani ilaasortanngorsimallutik. Ilaasortat taakkua akit qaffakkiartornerannut qanoq iliuusissaaruttutut misigalutillu akissutissaalatsisuupput.
Suila- tapit, tassa sulinermut ilanngaatisiassatut tunniunneqartaleqqammertut iluaqutaanissaraluat akit qaffakkiartornerisa ilutigisaannik qatangiinnartoq, Facebookimi ilaatigut allassimasoqarpoq.
NAALAKKERSUISUT SIULITTAASUAT, Jens-Frederik Nielsen ulluni makkunani kamaanneqalaavissorpoq, naalakkersuisunut illuatungiliuttuni siuttuugallarami akit qaffakkiartuinnarnerat innuttaasunut eqquisuunerarlugu oqaaseqarnerata immiunneqarnera inoqatinut nittartakkakkut attaveqaatini ulluni makkunani siammarterneqangaatsiatsiaalaavinneqarnera pissutigalugu. Ikummatissalli akitsissasut nalunaaruteqartoqarnerata aqaguani tamatumunnga tunngatillugu aamma oqaaseqarami saammaanneqaatiginngilaa.
NAALAKKERSUISUMMI siulittaasuat allanngueriaannaagunavinngilaq – Inatsisartummi aatsaat ukiaru katersuuteqqittuussaapput, akisssaaffimminilli qimarratiginnittariaqanngilaq. Tamatumani “aalajangerneq nuanniitsuusoq” aningaasaqarnermullu tunngasutigut pingaarnersiuisariaqarnertik pissutigalugu taama aalajangertariaqarsimallutik, Jens-Frederik Nielsenip nammineerluni nassuerutigaa. Tamannali inuit aningaasaqarnikkut erloqiunnaarnerannik kinguneqanngilaq.
INUIAQATIGIINNIMI pissutsit ima ilungersunartigilersimapput, allaat politikkikkut nangaanissamut inissaarulluni. Tassa Naalakkersuisut ukiarseeqqaartariaqanngilaat.
Innuttaasut tusaaneqartariaqarput – aamma ikiorneqartariaqarlutillu isertuaatsumik paasissutissinneqartariaqarput – maannangaaq.
