KL

DK

Naartunaveersaat assortuussutaasoq Kalaallit Nunaannut eqqussuunneqarnera annertusisoq

Nunatta Nakorsaataasivia naartunaveersaatinik ilungersunartunik kinguneqarsinnaasunik pisisarnera annertusivoq.

Ukiuni tallimani kingullerni arnat 10.000-iugaangata poortukkat Depo-Proverat ukiumut 571-it 679-illu akornanni atorneqartartut Politiken allappoq.
Ritzaus Bureau
Saqqummersinneqarpoq

Naartunaveersaat Depo-Provera illoqarfiit pingaarnersaanni nakorsanit Kalaallit Nunaata sinneranut nakorsanut 2024-mi poortukkat 1651-it nassiunneqarput.

2007-imiilli sisamariaammik amerleriarsimasut Politiken allappoq.

Saniatigut sunniutigisinnaasai ilungersunarsinnaasut nappaateqalersitsisinnaaneralu pissutigalugit Danmarkimi atorneqarpianngilaq.

Danmarkimi arnat 10.000-iugaangata ukiumut poortukkat 27-t atorneqartarput.

Kalaallit Nunaanni ukiuni tallimani kingullerni arnat 10.000-iugaangata ukiumut 571-it 679-illu akornanni poortukkamik atorneqartartut aviisi allappoq.

Naartunaveersaat sakkortuumik sunniutilik

Depo-Provera naartunaveersaataavoq sakkortuumik sunniuteqartartoq qaammatit pingasukkaarlugit kapitissutaasartoq.

Politiken naapertorlugu arnap kapitinneraniit kingullermiit kinguaassiorsinnaaleqqinnissaanut qaammatit sisamat qaammatillu 31-t akornanni piffissaq ingerlasinnaavoq.

Arnat sivisuumik naartunaveersaammik tassannga atuisut saarngi kalkeerukkiartornissaannik sunnerneqarsinnaapput.

Naalakkersuisut nittartagaanni ataasinngornermi tusagassiuutinut nalunaarummi allassimavoq arnat naartunaveersaammik tassannga atuiunnaarusuttut amerliartortut.

Tamanna Kalaallit Nunaanni peqqinnissaqarfimmit maluginiarneqarpoq.

Naartunaveersaatit pillugit ajortumik isiginnittaaseqarnerunermut pissutaasinnaasoq tassaasoq inuit nittartakkatigut attaveqaqatigiittarfiini ajortumik eqqartorneqartarnera.

Nakorsaaneq: Depo-Provera pitsaasinnaavoq

Paneeraq Noahsen, Kalaallit Nunaanni nakorsaasoq, naartunaveersaatit sorliit inummiit inummut pitsaasut assigiinngissinnaasut isumaqarpoq. Tusagassiutnutu nalunaarummi oqarpoq.

Kalaallit Nunaanni Nakorsaanerup peqqinnissaqarfiup nakkutiginissaa akisussaaffigaa.

- Naartunaveersaatini arlaannaalluunniit ajornerullunilu ajunnginnerunngilaq. Naartunaveersaatit tamarmik pitsaaqquteqarlutillu ajoquteqarput, tamarmillu sunniuteqartarlutik, oqarpoq.

- Depo-Provera naartunaveersaatit allat assigalugit, inunnut ataasiakkaanut iluaqutitaqarsinnaavoq Peqqinnissaqarfimmi neqeroorutaavoq.

Politikenip nakorsat arlallit oqaloqatigai, taakkualu isumaqarput Kalaallit Nunaanni Depo-Provera pisariaqartumit atorneqarnerusoq.

Taakkua ilaat tassaavoq Peter Vedsted, Aarhusimi nalinginnaasumik nakorsaanermi professoriusoq, 2018-imiit 2022-mut Kalaallit Nunaanni nunap immikkoortuani nakorsaaneq.

- Arnat ilaat ullumikkut Depo-Provera-mik atuitut nakorsaatitigut pitsaanerussagaluarpoq allamik naartunaveersaateqalerunik. Hormonimik akulinnik kapitinnermi kinguneqartoqarsinnaasarmat, aviisimut oqarpoq.

/ritzau/

inuiaqatigiit grønland depo-provera bivirkninger præventionsmiddel politiken samfund

ATORFIIT Se alle jobs

Powered by Labrador CMS