Avannaata Kommunia
ingerlatseqatigiiffiup namminersorlutik oqartussanit pigineqartup
takornariartitsinermi suliaqarneranik sakkortuumik isornartorsiuivoq. Tamanna
takornariartitsineq pillugu inatsisissamut kommunip tusarniaanermut akissutaani
atuarneqarsinnaavoq, tassanilu ingammik World of Greenland, Air Greenlandimit
pigineqartoq isornartorsiorneqarpoq.
-
Ingerlatseqatigiiffiit namminersorlutik oqartussanit pigineqartut
suliffeqarfinnik namminersortunik ipititsisutut ingerlatsinissaa
ilumoortuusinnaanngilaq, Avannaata Kommuniani borgmesteri Palle Jeremiassen
oqarpoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Avannaata Kommunia
ingerlatseqatigiiffiup namminersorlutik oqartussanit pigineqartup
takornariartitsinermi suliaqarneranik sakkortuumik isornartorsiuivoq. Tamanna
takornariartitsineq pillugu inatsisissamut kommunip tusarniaanermut akissutaani
atuarneqarsinnaavoq, tassanilu ingammik World of Greenland, Air Greenlandimit
pigineqartoq isornartorsiorneqarpoq.
-
Ingerlatseqatigiiffiit namminersorlutik oqartussanit pigineqartut
suliffeqarfinnik namminersortunik ipititsisutut ingerlatsinissaa
ilumoortuusinnaanngilaq, Avannaata Kommuniani borgmesteri Palle Jeremiassen
oqarpoq.
Takornariartitsinermik
ingerlatsivik World of Greeland Ilulissani Hotel Arctic ilisimaneqarluartorlu
Air Greenlandimit pigineqarput. Suliffeqarfiit taakku marluk pisariitsumik
ingerlatsiuarnissaq qularnaarniarlugu kattuteqqammipput – uanilu World of Greelandip
kommunimit anisinneqarnissaa Palle Jeremiassenip kissaatiginngilaa.
- Maani Ilulissani
World of Greenland iluarisimaartorujussuunikuuarput, suliffeqarfillu
sorpassuarnik aallartitsisuuvoq, takornariartitsinermilu nutaaliortuulluni.
Ingerlaqqinnissatsinnulli piffissanngorpoq. Nammineersinnaavugut. Ullumikkut
illoqarfitsinni ingerlatsisut mikisut aallarnisaasullu amerlasuut ingerlapput –
taakkulu isumaqarput pisortanit pigineqartumut unammillerneq sakkortuallaartoq.
Uummannaq Upernavillu
- Suliffeqarfiit
maaniittut Ilulissani isumagisassat nammineerlutik isumagisinnaavaat,
Uummannamili Upernavimmilu takornariartitsinermi ineriartortitsineq
amigaataavoq – tassanilu World of Greenland ineriartortitsinermut
peqataasinnaavoq.
- Inuit piffimmit
piffimmut angallannerat Air Greenlandip suliassaani pingaarnerpaasoq
eqqaamassallugu pingaarpoq. Tamanna pikkoriffigaat – taamaammallu
ingerlatseqatigiiffik maanna namminersorlutik inuussutissarsiortunut
unammillilernera uggoreqaara, borgmesteri oqarpoq.
Palle Jeremiassenip
isornartorsiuinera World of Greenlandimi pisortamut Morten Nielsenimut
Sermitsiap saqqummiuppaa.
- Ilulissani
ineriartorneq sukkasoorujussuuvoq – ingammillu ukiuni marlunni kingullerni
takornariarpassuit illoqarfimmiipput. Qujanartumillu aamma sumiiffimmi
suliffeqarfippassuaqarpoq takornariarusussutsimik pilersitseqataasunik. Tassa
angalaarnerit pisoqartitsinerillu takornariat misigisaqarfigerusutaat, Morten
Nielsen oqarpoq.
- Tamanna
ukiorpaalussuarni sulissutigaarput – tamannalu nangittumik ingerlateqqipparput.
Arlalinnik siunnerfeqarluta taamaaliorpugut. Angallassinerinnaanngitsut aammali
ornittakkanik ineriartortitsinikkut, soorlu Eqi, tassanilu millioninik
qulikkaanik marlunnik illuaraliortiterpugut.
Angallassisartunut
tuniniaasartut
- World of
Greenlandilli takornariartitsinermi inissisimanera paasissallugu aamma
pingaaruteqarpoq. Takornariat ataasiakkaat pisisartorinngilagut,
tuniniaasartulli angallasseqatigiiffillu Ilulissanut angalanernik tamakkiisunik
pisisartut pisisartoraavut. World of Greenlandimi pisisarput, tassanilu
pitsaassutsimik qulakkeerinnissinnaanerput, angalanissallu neriorsuutaasut
naammassisinnaanerannik qulakkeerisarnerput patsisaavoq, Morten Nielsen
nassuiaavoq.
- Sumiiffimmi
takornarialerisorpassuit aamma qanimut suleqatigaavut, taamaammallu Palle
Jeremiassenip ipitsitsisarnitsinnik isumaqarnera paasisinnaanngilara.
- World of
Greenlandilli pingaarnertut niuertutut ingerlatsisuunera paasissallugu
pingaaruteqarpoq. Aktiaatileqatigiiffittut piginnittutsinnut aningaasanik
iluanaarutissiinissarput pisussaaffigaarput. World of Greenland
ineriartortitsiviunngilaq, taamaattoq Uummannami Upernavimmilu periarfissat
pillugit kommuni oqaloqatigikuttoorsinnaavarput.
- matumani immaqa
kommuni, nunatsinni kommunit allat assigalugit takornariartitsinermik
ineriartortitseqatigiiffimmik pilersitsinissaa immaqa aaqqiissutissani
pitsaanerpaasoq eqqarsarpunga, Morten Nielsen siunnersuivoq.
