NANUBØRN aamma Pisiffik juullip tipaatsunnartuanik siaruarteriniarput
NanuBørn Pisiffillu ilaqutariinnut pisariaqartitsisunut juullimut ikiuiniarlutik suleqatigiittut, tusagassiuutinut nalunaarummi allapput.
NANUBØRN ukioq 2023 - Juullimut ikiorsiissutit
Assi: Look North ApS
Juulli tuaviinnaq qanilliartupallappoq. Imaalitsianngitsoq, amerlanerpaajusugut nerrivimmi juullip nerisassaataanik mamartorsuarnik ataatsimoorluta nerilereersimassuugut – orpiullu ataani poortungassaqarluta.
Sapaassuaq, ilaqutariit amerlasuut qilanaarlutik ornittagaat. Taamaattorli aamma ilaqutareeqarpoq, asasaminnut kissaatimittut juullisiortitsinissaminnut periarfissaqanngitsunik.
- Nammineq kajumissutsimik peqatigiiffik NANUBØRN aamma pisiniarfik Pisiffik soqutiginartumik isumaqatigiissuteqaqqammerput, ukiuni tulliuttuni suliniarneq nukittorsarniarlugu ilaqutariit meerartallit pissakinnerusut Kalaallit Nunaat tamaat aningaasanik katersuiniuttalerniarlugit, NanuBørn tusagassiuutitigut nalunaarummi allappoq.
Ilaqutariit meerartallit amerlanerusut juullimi ikiorserneqarnissaat qulakkeerneqarpoq
NANUBØRNip suleqatigiilersimanera qujamasuutigisorujussuuaa, isumaqaramik ukiuni tulliuttuni suleriaqqinnissatsinnut malunnartumik allannguutaassasoq.
- Suleqatigiinnerup NANUBØRNini alloriarneq pingaartoq malunnaataassaaq, ilaqutariit meerartallit amerlanerusut Kalaallit Nunaat tamakkerlugu juullimut ikiorserneqartarnissaat qulakkeerusunneqarmat.
- Aningaasaliisoqanngippat uanitullu suleqatigiittoqanngippat pisariaqartitsinerpaat juullimut qilanaalersinnissaannut anguniagarput angusinnaanavianngikkaluarparput, NanuBørn allappoq.
