KL

DK

Napparsimasumik Nuummiit Københavniliaassisut Kangerlussuakkoortut

Mittarfik nutaaq atulermat timmisartut tamarmik Nuummiit Danmarkimut toqqaannartumik angalanngillat. Napparsimasoq Kangerlussuakkoorullugu sapaatip-akunnerani kingullermi aallarunneqarpoq. Sunali pissutaanersoq uppernarsartinnissaa ajornakusoorpoq.

Nuummiit Københavniliaassineq marloqiusamik suli pisarpoq, tamanna sapaatip-akunnerani kingullermi pivoq. Assi toqqorsivimminngaanneerpoq.
Morten Okkels Tusagassiortoq
Saqqummersinneqarpoq

NUTARTIGAQ 12:45 Angallannermut aqutsisoqarfiup maanna uppernarsarpaa, SmuuthCarep napparsimasunik timmisartukkut angallassinermini Nuummut missinnaanngitsoq, malittarisassat atuuttut peqqutaallutik. Pisoq malinnaaffigaarput.

NUTARTIGAQ 14:15: Angallannermut aqutsisoqarfiup uppernarsaanini siulleq tunuartippaa. Pisoq malinnaaffigaarput. Smuuthcare GL-normoqarluni Air Greenlandimut timmisartuussippat napparsimasumik timmisartuussisut akuersissummi piumasaqaataasut naapertorlugit Nuummi Timmisartoqarfimmik atuisinnaasut Angallannermut Aqutsisoqarfiup ilisimatitsissutigaa.

Nuummiit Københavnimut timmisartumik toqqaannartumik sapaatit-akunneri pingasut qaangiuttut timmisartuussisoqarsinnaalerpoq. Piffissarli sivisunerusoq peqqinnissaqarfimmut napparsimasumik Danmarkimukaassisarnerannnut toqqaaannartalernisamut pisariaqartinneqarunarpoq.

Pingasunngornermili decembarip 11-ani Danmarkiliaassisoqarnnerani angalanissamut pilersaarut qangatut ittoq malinneqarpoq. Air Greenlandip timmisartua Nuummiit Kangerlussuarmukaqqaarpoq. Tassanngaanniillu timmisartoq ambulance, Danmarkimiit Kangerlussuarmukartinneqartoq, atorlugu ingerlaqqittoqarpoq.

– Uppernarsarsinnaavara decembarip 11-ani peqqinnissaqarfik Nuummiit Kangerlussuaq aqqusaarlugu napparsimasumik Danmarkiliaassisimasoq. Ambulancet Danmarkimut timmisartuussineri SmuuthCaremit, Air Greenlandip isumaqatigiissuteqarfigisaa, isumagineqarput, peqqinnissaqarfimmi pisortaq Tina Amondsen oqarpoq.

Akissutisinissaq suli utaqqisaasoq

Sermitsiap sapaatip-akunnera kingullerli sooq timmisartoq Kangerlussuarmut aqqusaaqqaartariaqarsimanersoq akissutisiniarsaraa , ingammik napparsimasut ajoqusersimasulluunniit navianartorsioraangata qimarnguinneqartarnerat tuaviuussaasarmat.

Angallannermut Aqutsisoqarfik Nuummi mittarfiup ammarneqarneranut atatillugu timmisartortitseqatigiiffinnut allanut Air Greenlandip Icelandairip saniatigut aamma namminersortut ilaannut killiliivoq.

Angallannermut Aqutsisoqarfimmit akissutisinissaq maannamut ulluni tallimani utaqqineqarpoq. Utaqqinermut pissutaanerarneqartoq tassaavoq suliaq allaffeqarfinni arlalinni suliarineqartarmat.

SmuuthCare Air Greenlandimut innersuussivoq, taakkunanngalu aamma akissutisinissaq utaqqivarput.

samfund ny lufthavn i nuuk air greenland evakuering inuiaqatigiit smuuthcare kangerlussuaq nuuk

ATORFIIT Se alle jobs

Powered by Labrador CMS