Nato-p anguniagaa spaniamiut ministeriunerata pissusisssamisuunnginnerarpaa
Nato-p pisortaa isumaqarpoq, ilaasortat tamarmik bnp-p fem procentianik illersornissamut atuisissaminnik anguniagaqassasut.
Spania ukioq kingulleq Nato-mut ilaasortaasuni nunani, bnp-mi illersornissamut aningaasartuutit annikinnerpaamik atorneqartut. Trump-ip kissaatigaa Nato-mut ilaasortat tamarmik bnp-mi procentinik tallimanik peqataassasut, kisianni tamanna Spaniap ministeriunera iluarinngilaa.
Foto (arkiv): Juan Carlos Rojas/Ritzau Scanpix
Spaniamiut ministeriunerat, Pedro Sánchez, isumaqarpoq, Nato-p anguniagaa naalagaaffinni tunisat ataatsimut nalingisa (bnp) fem procentii illersornissamut atorneqartariaqarneranik piumasaqaat spaniamut "pissusissamisuunngitsoq".
Natop pisortaanut, Mark Rutte-mut, allakkamini taamak oqarpoq, nutaarsiassaqartitsivik AFP allappoq.
- Spaniamut tamanna pissusissamisuuginnanngilaq kisiannili aamma sakkutooqarnikkut pipallatamik annertusaarujussuarnermik fem procentimik anguniakkamut pisussaaffilersornissaq naapertuutinngilaq, Sánchez allakkamini oqarpoq.
Taassuma mianersoqqussutigaa, tamanna suliassaqarfinnut allanut, soorlu peqqinnissamut ilinniartitaanermullu pitsaanngitsumik sunniuteqarsinnaasoq.
NATO-p ataatsimeersuarnera aallartissaaq juunip 24-ani Haag-imi, USA-p præsidentia, Donald Trump, piumasaqarpoq nunat Nato-mi ilaasortat allat annertunerusumik kivitseqataasariaqartut, taamaammallu illersornissamut aningaasartuutitik bnp-p fem procentianik qaffassagaat.
Natop pisortaa siusinnerusukkut oqarnikuuvoq, nammineq naatsorsuutigalugu Natomi ilaasortat ataatsimeersuarnermi tulliuttumi bnp-mik fem procentiisa illersornissamut aningaasartuutinut atulernissaannut akuersissasut.
Bnp tassaavoq nunap aningaasaqarnerata angissusaanik takussutissiissut, aamma nikeriarnernut takussutissiisoq aningaasaqarneq qaffakkiartornersoq imaluunniit appariartornersoq.
Spaniamiut ministeriunerat Natop pisortaanut noqqaassuteqarpoq "eqaannerusumik" periuseqartoqartariaqartoq, tassalu aningaasartuutissanut anguniagaq nammineq toqqarneqarsinnaanngorlugu imaluunniit Spaniamut atuuttussaajunnaarsillugu. Nutaarsiassaqartitsivik Reuters allappoq.
Sánchez naapertorlugu Nato-mut ilaasortat tamarmik illersornissamut anguniakkaminnut aningaasaliissuteqartariaqarput assigiinngisitaartunik.
Spaniami illersornissaqarfik naliliivoq, 2,1-it procentit spaniamut naammassasut, ministeriuneq oqarpoq.
Ukioq kingulleq Spanien Nato-mut ilaasortat akornanni aningaasarsiornerminit illersornissamut annikinnerpaamik atuisoq, tamannalu Trumpip nunamik taassuminnga kamaammiussineranik kinguneqarnikuuvoq.
Sánchezip nalunaarutigereernikuuaa illersornissamut aningaasaliissutit nutaat 10 milliard euro sinnerlugit amerlassusillit atorlugot procentit marluk angullugit ukioq manna anguneqassasut.
