Juulli uummatit pigaat, maanilu nunatsinni piareersarsuaartarpugut,
juullimut tunissutissarsiniarluta sapaassuaannartorlu pinnersaareertarluta.
Tamanna Martha Heilmannimut allaanerungaanngilaq.
Angerlarsimagaangami kaageeraliortarpoq peqqaannagulu juullimut
piareersaasoqarluni. Taamaattumik misigisaq allaavoq kilisaatip igaffiani
sulilerniarluni aalajangerami.
Juulli uummatit pigaat, maanilu nunatsinni piareersarsuaartarpugut,
juullimut tunissutissarsiniarluta sapaassuaannartorlu pinnersaareertarluta.
Tamanna Martha Heilmannimut allaanerungaanngilaq.
Angerlarsimagaangami kaageeraliortarpoq peqqaannagulu juullimut
piareersaasoqarluni. Taamaattumik misigisaq allaavoq kilisaatip igaffiani
sulilerniarluni aalajangerami.
Martha Heilmann ukiuni pingasuni avataani juullisiorpoq, ukioq manna nunami juullisiussaaq.
Asseq: Nammineq pigisaq
- Pingasoriarlunga imaannarsuarmi juullisiorsimalerpunga,
juullit allortarlugit. Umiartortilluni juullilernera malunnartorsuuneq ajorpoq,
kisianni soorunami pinnersaasiortarpugut, Sapaassuarmi juullimut ullorialertarpugut,
juullimilu orpiliaqartarlunga, Martha Heilmann oqaluttuarpoq.
Kilisaammi inuuneq tassaavoq sulineq. Kilisaat angallataavoq
suliffissuaq puttasoq, inuttat nikittaallutik sulillutik,
juulleraluarpalluunniit ulapittoqartarluni. Juulliararli immikkuullarippoq.
- Inuttat nikittarlutik sulisarmata ataatsimut nerisoqarneq
ajorpoq. Juulliaqqamili nikilernermut atatillugu nereqatigiittarpugut. Tassalu
ukiup ingerlanerani ataasiaannartumik. Juullimut iivanngiiliumik
atuaasoqartarpoq juullimullu tunissutit agguaanneqarlutik. Nerereernerup
kingorna innapallattoqartarpoq allat sulineranni sinilaarniarluni, Martha
nassuiaavoq.
Juullimut
isumakuluutit annikinnerusut
Juullerujussuaannartoq sulisut nikittaallutik
nerisalereertarput. Nerisassalli juullerpaluttuupput, mandarinaqarlunilu
juullimut kaageeraqartarluni.
- Regina
C-mi inuttaallunga juullimut kaageeralioartarpunga. Tipigilluinnartarpoq nuannerlunilu.
Maanna Nataarnami sulivunga, siornalu juullimut kaageeraliornissara
angumerinngilara. Angumeriniagassat amerlavallaarput, oqarpoq.
Igasoq m/tr Nataarnaq
Assi: Nammineq pigisaq
Kalaallit
Nunaanni juulli nalliuttuuvoq piareersarnerpassualik, ilaqutariit
katersuuffiat, juullimut tunissutissarpassuit nerisassarpassuillu. Taamaattumik
Marthap suleqatimi juullisioqatiginissaat nuannarinerulersimavaa.
- Paneqarpunga inersimasumik, nammineersinnaavorlu.
Angerlarsimalluni juullisiornermit allaanerussutigaa tunissutissarsiniarnissamut
kaageeraliornissamullu isumakuluuteqartoqarneq ajornera. Ilaquttavut qimallugit
ataatsimoortarpugut, katerisimaarlutalu.
- Ukioq manna nunami juullisiussaanga. Nunami allami
juullisiornissara isumaliutigilereersimagaluarpara. Siornali imaani
juullisiorpunga, aappaagulu taamaalioqqissallunga, taamaattumik
ingasagilaarlugu isumaliorpunga. Taamaattumik angerlarsimallunga
juullisiussaanga, Martha naggasiivoq.
Inuttat tamarmik Sømandshjemmimiit kilisaataatilinniillu juullimut tunissutisisarput:
- Umiartortut angerlarsimaffii aalisartut atorsinnaasaannik natsamik nuersakkamik, alersinik, aaqqatinik assigisaannilluunniit tunissuteqartarput. Kilisaataatillit asssigiinngitsunik tunissuteqartarput, soorlu suliffeqarfiit sulisuminnut tunissuteqartartut, Martha Heilmanna ukioq manna nunami juullisiortussaq oqarpoq.
Asseq: Nammineq pigisaq
