Neriuffik aatsaat taama katersuiniarfiulluartigaaq: 4.763.338 koruunit katersorneqarput
Neriuffiit Kattuffiat ukioq manna katersuiniarnermi aatsaat taama angusaqartigaaq, katillugit 4.763.338 koruuninik katersorneqarput. Siorna 4,4 millionit koruunit katersorneqarput.
pr-foto
4.763.338 koruunit katersorneqarput
Taamaalillutik siorna 4,6 millionit koruunit katersorneqartut anguneqarput. Neriuffiit Kattuffiat maanna illumik sanaartuleruttorpoq, illu taanna kræftimik eqqugaasimasut qanigisaannut aammalu minnerunngitsumik nappaassuarmik eqqugaasimasut qanigisaasalu toqqissisimanartumik avatangiiseqartillugit oqaloqatiginninnermik ingerlatsiviusinnaassaaq.
Illup sanaartorneqarnera maanna ingerlarsuleruttortoq, Neriuffiit Kattuffianni siulersuisuni ilaasortaq KNR-TV-kkut toqqaannartumik aallakaatinneqarmat oqaaseqarpoq. Toqqaviup cementitassaa kingulleq maanna ikkunneqarsimalerpoq.
Illu aappaagu nappaatitsernissaa naatsorsuutigalugu aamma oqaatigaa. Taamaalilluni illu naammassippat kræftimik eqqugaasimasut qanigisaasalu atorluarsinnaalissavaat.
