New Yorkimi angut imminut ikuallatsinnermi kingorna toquvoq
Angut 37-nik ukiulik, eqqartuussiviup Trumpip eqqartuussisunut sassartitaaffiata silataani imminut ikuallatsinnermi kingorna ajoqusernerminit toquvoq.
Angut, tallimanngornermi New York-imi eqqartuussiviup silataani, Trumpip sassartinneqarfiata eqqartuussiviup silataani imminut ikuallattoq, ajoqusernerminit toqukkut qimaguppoq.
Taama arfininngornermi allaaserisaqarput The New York Post aamma tv-qarfik NBC-News.
Angut taanna 37-nik ukiulik napparsimmavimmut unitsinneqarpoq pisoqareernerata kingorna, pisoqarfiusoq eqqartuussiviup eqqaani Manhattanimiippoq, tassani Trump-ip tapersersortai akerliusullu tamarmik isummaminnik nittarsaassinissaminnut akuersissummik peqarlutik tassaniipput.
Angut pappilissanik silaannarmut siammartereriarluni, imminut ikummatissamik kuerariarluni ikittaamik ikitsigami ikuallalerpoq. Tamatuma malitsigisaanik politiit pallittaalisaata ilaata iluani nunamut uppippoq.
Politiit angut kinaassusersimavaat, tassaavorlu Maxwell Azzarello Florida-mi St. Augustine-meersoq.
Qangarpiaq toqusimanersoq nalunaarutigineqanngilaq.
BBC naapertorlugu politiit arlallit pisoqarfiusumiissimapput.
Qatserut atorlugu angutip timaani ikuallanneq qatserneqaarpoq, kingornalu napparsimavimmut angut assartorneqarluni.
Pisup pinerata nalaani Trump eqqartuussivimmi qanittumiippoq sassartitaalluni, tassani aningaasarsiornermut inatsisinik unioqqutitsisimasutut unnerluutigineqarluni, taamatuttaaq atoqatigiinnermik tunngasunik filmiliaritittartoq Stormy Danielsimut nipangersaatissaanik oorinik tunniussisimaneragaalluni.
77-inik ukiulik Trump amerikami præsidentiusartut siullersaraat eqqartuussivimmut sassartitaasuni præsidentiusartut siullersaraat pinerluttulerinermik inatsisit najoqqutaralugit unnerluutigineqarluni.
Tallimanngornermi eqqartuussissuserisut ataatsimiititaliaat naammassineqarput. 12-inik eqqartuussissuserisoqalernikkut arfinilinnillu sinniisussanik toqqaasoqarpoq. Taamaalilluni eqqartuussineq aallartissinnaavoq naatsorsuutigineqarporlu sapaatip akunneri arfinillit missaanni eqqartuussineq sivisussuseqassasoq.
Oqartussaasut naapertorlugit angutip pappiaqqat siammartersimasai taamaassorinninnermut tunngassuteqarput (konspirationsteorier). Taanna New Yorkimut sapaatip-akunnerata allartilaarnerani tikippoq, imminullu ikuallannissaminik pilersaarutigisimasai inuit attaveqaqatigiittarfiisigut siammartersimassagai ilimagineqarpoq.
Ikuallattoqarneranut atatillugu inuit arlallit annikitsumik ajoqusersimasut ilanngullugu nalunaarutigineqarpoq.
/ritzau