Nivattaassuit aallarunneqartut illumut aporput

Pingasunngornerup unnuaani nivattaassuarnik aallarussisoqarmat aqqusinermi ajutoortoqarpoq, nivattaassuit illumut apormata.

Kalaallit Nunaanni Politiini pigaartut pisortaat Malik Olesen Sermitsiamut taamatut paasissutissiivoq.

Pingasunngornerup unnuaani nalunaaqutaq pingasut missaani aallarussisoqarneranik politiit nalunaarfigineqarput, nivattaassuillu aallarussat illoqarfikkut ingerlaarlutik umiarsualiviup eqqaaniittumut KNAPK-p illuutaanut aporsimasut, pigaartut pisortaat oqaluttuarpoq.

- Atortorissaarutit ajoquserneqarput, inunnilli ajoqusertoqanngilaq, pigaartut pisortaat oqarpoq.

Nivattaassuit inuusuttunit aallarunneqarsimanissaat politiit pasitsattut oqaluttuarpoq, taakkualu kinaassusersinissaat maannakkut sulissutigineqarpoq, ilaatigut videokkut nakkutilliineq atorlugu.

Pisumulli atatillugu takunnissimasinnaasunik politiit tusarfiginnikkusupput.

Normumut 70 14 48-mut politiit saaffigineqarsinnaapput.