Palle Heilmann nuannaarlunilu
pakatsissuteqarpoq.
Suliffiani palitsip sanaartornermut atortunik imallip 800
kiilunik oqimaassusillip 2,4 meterinillu portussusillip uppinneratigut
ajutoorneranit ukiut marluk qaangiupput. Ikiorneqarnissaminik, akuerineqarnissaminik
tapersersorneqarnissaminillu ilungersuuteqarnermini sapiissuseerullunilu
pakatsisarsimavoq. Sulinermini
ajoquserneranut suliaq maanna siuariartorpoq, Palle Heilmannip kiserliorluni
oqartussanut akiuunnera pillugu qaammatip ataatsip matuma siornagut AG-mi
allaaserinnittoqareersorlu.
Palle Heilmann nuannaarlunilu
pakatsissuteqarpoq.
Suliffiani palitsip sanaartornermut atortunik imallip 800
kiilunik oqimaassusillip 2,4 meterinillu portussusillip uppinneratigut
ajutoorneranit ukiut marluk qaangiupput. Ikiorneqarnissaminik, akuerineqarnissaminik
tapersersorneqarnissaminillu ilungersuuteqarnermini sapiissuseerullunilu
pakatsisarsimavoq. Sulinermini
ajoquserneranut suliaq maanna siuariartorpoq, Palle Heilmannip kiserliorluni
oqartussanut akiuunnera pillugu qaammatip ataatsip matuma siornagut AG-mi
allaaserinnittoqareersorlu.
- Aalajangiinerit nuannaarutigalugillu
pakatsissutigaakka. Maanna uppernarsaatit atorlugit oqarsinnaavunga suliffinni
ajoqusersimallunga napparsimanermalu nalaani ullormusiaqassallunga, Palle Heilmann oqaluttuarpoq, taannalu
2023-mi aggustip 16-ianni suliffimmini ajutoornermi kingorna napparsimmavimmut
unitsinneqarsimavoq, Danmarkiliaanneqarluni, suliaritittariaqarsimalluni,
sungiusaqqittariaqarsimallunilu, kommunimullu aamma Sulitilluni Ajoqusernerit
pillugit Sullissivimmut, Danmarkimi sulinermik inuussutissarsiuteqartut
sillimmasiisarfiata, AES-ip ataaniittumut, arlaleriaqaluni
saaffiginnittarsimalluni.
AES-imit aalajangiinerit aggustip arfernanni
2025-mi takkussuullutik aallartipput. Aalajangiinerit ilagaat Palle Heilmann
napparsimanermini ullormusiaqartinneqassasoq. Aalajangiinerit tulliuttut marluk
aqaguani takkupput, taakkunanilu ajoqusernera sulinermini ajoqusernertut
akuerineqarluni, ajoquserneri aaqqinneqarsinnaanngitsut 18 procentitut
nalilerneqarput. Aalajangiinerni ima allassimasoqarpoq:
PALLE NAAMMAGITTAALLIUU-TEQARSINNAASOQ
Ajoqusernernut aalajangiineq tassaavoq sulinermi ajutoornerup
kingorna ajoqusernerup kingunerisaanik ataavartumik ajoqusernermut
taarsiissuteqarnissaq, ajoqusernerup nakorsamit qanoq ittuunerata,
annertussusiata inuunermullu sunniutai tunngavigalugit nalilerneqartartoq, AES
AG-mut mailikkut allappoq. Palle Heilmannip aalajangiineq taanna apeqquserpaa.
AES allappoq Pallep aalajangiineq naammagittaalliuutigisinnaagaa imalu
nassuiaalluni:
- Ajoqusernerit inuussutissarsiorsinnaajunnaarnermut
taarsiissutissaanngimmata eqqaamassallugu pingaaruteqarluinnarpoq. Tassa
inuussutissarsiorsinnaajunnaarneq pillugu kingusinnerusukkut nammineerluni
aalajangiisoqartassaaq, ajoqusernerup siunissami nalinginnaasumik sulinikkut
aningaasarsiornissamut periarfissanik qanoq ajornerulersitsisimanera
taarsiiffiginiarlugu. Aatsaat tamanna aalajangiiffigineqarsinnaavoq ajoqusertup
inuussutissarsiorsinnaajunnaarneranut pissutsit paasinarsisinneqareerpata
suliarlu naammattumik paasissutissiissutigineqareerpat. Pallemut suliamut
atatillugu inuussutissarsiorsinnaajunnaarnermut aalajangiineq 2025-mi ukiakkut
pissasoq naatsorsuutigineqarpoq.
»Ajoqusernerit uku sulinermi ajoqusernertut
akueraavut: Singernikkut, kiinnap saarngisigut, alleqqukkut talerperlikkut,
najungasukkut kiasikkullu talerperlikkut, pukusumi saarngisa ilaatigut napisimalluni“ aamma „nalilerparput
ajoqusernerit eqqaaneqartut maannalu akornutigineqartut soorlu niaqorlunneq,
puigutuneq, isigiarsunneq, alleqqukkut pukusukkullu anniartarneq, tarnikkut
artorsaateqarneq, singernikkullu saamerlikkut anniarisaqarneq imminnut
attuumassuteqartut.”
Inuunera tamarmi eqqugaavoq
Palle Heilmannip aalajangiinerit taakku
sunnertissutigai. Nuannaarnerali aamma nuanniilliuutaalluni.
- Ajoqusernerma qanoq annertutigineranik
aalajangiinerit apeqquserpakka. 18 procentitut nalilerneqarsimavoq.
Toqugaluarpungami. Alleqqukka sequminneqaramik kigutikkalu annaallugit.
Ungasinnerusumut pisussinnaajunnaarpunga
sulisinnaajunnaarlungalu. Ajutoornerma kingorna ajoqusernerup 18
procentiinnarmik sooq nalilerneqarnera misissorusuppara isumaqarama tamanna
kukkunerussasoq.
- Annaasaqarsimasutut misigisimavunga.
Ajutoornerup siornatigut iliuuserisinnaasakka ullumikkullu iliuuserisinnaasakka
assigiinngitsorujussuupput. Inuunera tamarmi sunnerneqarpoq, Palle Heilmann
oqarpoq.
Aalajangiineq naapertorlugu AES-ip
nalilersuinera Palle Heilmannip pilatsittarsimanerinik
nakorsiartarsimanerinillu tunngaveqarpoq. Palle Heilmann eqqarsarpoq,
ajoqusernermi kingorna akornuserneri sukumiinerusumik misissornissaat
amigaataannginnersoq.
- Maanna aatsaat sukumiinerusumik
misissortinnissamut piareersalerpunga. Kingusinnerusukkut qinnguartartissaanga,
oqarpoq.
Palle Heilmann aalajangiisoqarnissaanik
ataasiinnarmik utaqqisaqarpoq, taanna inuussutissarsiutigalugu
sulisinnaajunnaarneranut tunngavoq. AES allappoq inuussutissarsiutigalugu
suliffeqarsinnaajunnaarnermut taarsiiffigitittoqarsinnaasoq, ajoquserneq nappaalluunniit
sulinermik ajoqusernertut akuerineqarpat, inuussutissarsiutigalugu
suliffeqarsinnaajunnaarneq sulinermik ajoqusernermik pissuteqarpat, sulinermik
ajoquserneq pissutigalugu aningaasarsiornissamut periarfissat
annikillisinneqarsimappata aamma inuussutissarsiutigalugu
suliffeqarsinnaajunnaarneq 15 procentiuppat qaffasinneruppalluunniit. AES
aalajangiinerni pingasuni tamani allappoq Palle Heilmannip sulinermik
ajoquserneranut suliap ilaannaa suliarineqartoq, taamaattumillu AES-ip suliaq
suli naammassisimanngikkaa.
- Taamaattumik suliaq ilinnut tunngasoq suli
suliaraarput, naatsorsuutigisinnaavallu kingusinnerpaamik oktobarimi 2025-mi
uagutsinnit aalajangiiffigineqarumaartutit.“ AES-imit allapput.
