Nukappiaraq 16-inik ukiulik Ilulissat eqqaani ujaarineqarpoq
Nukappiaraq 16-inik ukiulik Ilulissani eqqaanilu politiinit ujaarineqarpoq. Nukappiaraq kingullermik takuneqarpoq Ilulissat avannaatungaani umiatsiamik Poca 570-mik angalasoq. Umiatsiaq inuttaqanngitsoq arfininngornermi ullaap tungaani nassaarineqarpoq.
Ilulissani politiip nukappiaraq 16-inik ukiulik ujaaraat. Taassuma umiatsiaa inuttaqanngitsoq, Oqaatsut kangiatungaani arfininngornermi ullaap tungaani nassaarineqarsimavoq.
Assiliisoq: Kalaallit Nunaanni Politiit
OBS: Nukappiaraq maqaasineqartoq ajunngitsoq nassaarineqarsimavoq. Taamaattumik allaaserisami nukappiaqqap aqqa peerneqarpoq.
Ilulissani politiit nukappiaqqamik 16-inik ukiulimmik ujaasipput. Nukappiaraq 16-inik ukiulik kingullermik takuneqarpoq Poca 570-mik Ilulissat avannaani "Qarajaq"-mi tallimanngornerup unnuaani nal. 03.00 missaani umiatsiartoq.
Umiatsiaq inuttaqanngitsoq arfininngornermi nal. 10.47, Kangersunermi, Oqaatsut kangiatungaani nassaarineqarpoq.
Maqaasineqartoq ima isikkoqarpoq:
- Kalaallisut isikkulik, 160 cm missaaniittoq, salutsoq, naatsunik qernertunik nujalik.
- Atisat atugarisai Hummel qaatigooq/kavaajaq, qarliit kajortut aammalu kamiit qernertut.
- Maqaasineqartoq eqqarsartaasimikkut kinguarsimasoq, timikkut sanngiissinnaasoq aammalu timiata pisinnaassusaa killilik.
- Politiit 16-nik ukiulik nunaqarfinni Oqaatsut, Kangersuneq aamma illoqarfimmi ilulissani nassaarineqanngilaq. Paasissutissaateqartoqarpat maqaasineqartoq pillugu politiit oqarasuaataanut 701448-mut tutsaqartoqarili, politiit ilisimatitsipput.
