Isumaqatigiissut nutaaq:
Nunalerisut nassiussanik assartuinermut akileraartartut aningaasaataannit taperneqartut
Namminersorlutik Oqartussat Royal Arctic Line Kujataani nunalerinermik inuussutissarsiuteqartunut nassiussanik assartuinissamut ikiuussinnaaniassaa anguniarlugu kiffartuussinissamik isumaqatigiissuteqarfigaat.
Kujataani nunalerinermik inuussutissarsiuteqartut pisortanit aningaasaliiffigineqartaleqqipput, Namminersorlutik Oqartussat RAL-ilu nunalerisunut assartuinermut kiffartuussinissamik isumaqatigiissuteqarmata.
Niels Ole Qvist
Aningasaqarnermut Akileraartarnermullu Naalakkersuisoqarfik naliliivoq, nunaatilinnut usinik assartuineq ingerlanneqarsinnaanngippat, tamanna inuussutissarsiortunut annertuunik sunniuteqartussaasoq, Aningaasaqarnermut Akileraartarnermullu Naalakkersuisoq Erik Jensen tusagassiutinut taama nalunaaruteqarpoq.
Inuussutissarsiut pingaarutilik
- Nunalerinermik inuussutissarsiorneq Kalaallit Nunaata kujataani inuussutissarsiutit ilusiligaanerannut pingaaruteqartunut ilaavoq aammalu inuussutissanut suliassaqarfimmi imminut pilersornerulernissap angunissaani suleqatissatut pingaaruteqartunut ilaalluni. Inuussutissarsiornerup ineriartortinneqarnissaa annertuumik pingaartipparput., Erik Jensen oqarpoq, nangipporlu:
- Taamaattumik politikkikkut aaqqiissutissarsinissap iluatsinnera nuannaarutigisorujussuuarput, taamaalillutik nunaatillit naleqquttumik akeqartitsiviusumik usinik assartuussivigineqaqqissinnaalissallutik.
"Royal Arctic Linep nunaatilinnik sullissinissaq qulakkeersinnaagaa tatigisorujussuugitsik" ilanngullugu oqaatigineqarpoq.
Isumaqatigiissut ukiuni tallimani atuutissasoq
Aningaasaqarnermut Naalakkersuisoqarfik RAL-imik ukiut tallimat sivisussusilimmik sullissinermut isumaqatigiissuteqarpoq. Kisianni oqaatigineqanngilaq qanoq amerlatigisunik akileraarutinik Namminersorlutik Oqartussat isumaqatigiissut nutaaq, 2023-mi atorunnaarsinneqartoq taarserlugu, aningaasalersussaneraat.
Aningaasaqarnermut Naalakkersuisoqarfik RAL-imik kiffartuussinissamut isumaqatigiissuteqarpoq ukiuni tallimani atuuttussamik. Kiffartuussinissamut isumaqatigiissummut nutaamut, kiffartuussinissamut isumaqatigiissutip siulianut 2023-mi atorunnaartumut taartaasussamut, Namminersorlutik Oqartussat akileraartartut aningaasaataat qanoq amerlatigisut atorniarneraat ilisimatitsissutigineqanngilaq.
Royal Arctic Line nammineq umiarsuaatini atorlugit usinik assartuinerup ingerlannissaanut pisussaaffilerneqanngitsoq ilanngullugu paasissutissiissutigineqarpoq.
