Peqatigiiffiup Nunami
Pisuttuartartut pisuttuartarneq siuarsarniarlugu, Kujataani
pinngortitap alianaatsup ilisimaneqarnerulernissaa pinngortitamillu
nuannarinnittut isumannaannerulernissaat kissaatigaa.
– Peqatigiiffimmik matuminnga
pilersitsigatta nuannaaqaagut, aamma asimi
silami qasujaallisarnermik
nuannarisaqartunut tamanut –
isumannaatsuunissaq eqqarsaatigalugu – katersuuffissamik
pilersitsinerput
nuannaarutigaarput, Laila
Motzfeldt, peqatigiiffimmik pilersitsisoq siulittaasorlu
oqarpoq. Taanna Mia
Jensen, Sørine Kristiansen aamma Elsennguaq Silassen
peqatigalugit peqatigiiffimmi
siulersuisuni ilaasortaavoq, peqatigiiffiullu Qaqortup eqqaani asimi
pisuttuartarnerup
ajornannginnerulersinnissaa
siunertaraa.
Peqatigiiffiup Nunami
Pisuttuartartut pisuttuartarneq siuarsarniarlugu, Kujataani
pinngortitap alianaatsup ilisimaneqarnerulernissaa pinngortitamillu
nuannarinnittut isumannaannerulernissaat kissaatigaa.
– Peqatigiiffimmik matuminnga
pilersitsigatta nuannaaqaagut, aamma asimi
silami qasujaallisarnermik
nuannarisaqartunut tamanut –
isumannaatsuunissaq eqqarsaatigalugu – katersuuffissamik
pilersitsinerput
nuannaarutigaarput, Laila
Motzfeldt, peqatigiiffimmik pilersitsisoq siulittaasorlu
oqarpoq. Taanna Mia
Jensen, Sørine Kristiansen aamma Elsennguaq Silassen
peqatigalugit peqatigiiffimmi
siulersuisuni ilaasortaavoq, peqatigiiffiullu Qaqortup eqqaani asimi
pisuttuartarnerup
ajornannginnerulersinnissaa
siunertaraa.
Pisuttuarnermi aqqutissat sisamat
Peqatigiiffiup Nunami
Pisuttuartartut
nunap assingani
aqqutit sisamat titartareersimalerpai. Aqqutini inussuit
qalipaatillit qitermikkut
putullit atorneqassapput, taakkulu aqqummi
inussummut tullermut
tikkuussisassallutik,
aqqut taamaalilluni
ersarississalluni.
Inussuit qalipaatinik
aappaluttumik, tungujortumik, qorsummik aamma aappaluartumik/
sungaartumik nalunaaqutserneqassapput. Aammattaaq aqqutit
Eqalugaarsunnut, Saarlussuarmut, Alanngorsuarmut Saqqaarsummullu
ingerlaarfiusut allagartalersorneqassapput.
– Illoqarfiup qeqqani aqqutit
pillugit paasissutissanik mappeliortoqassaaq, tassani ersarissumik
takuneqarsinnaassalluni sumut pisuttoqarsinnaanersoq.
Aamma aqqutit nunap assingani
digitaliusumi QR-kodeqarluni
takuneqarsinnaassapput.
Pisuttunullu internetikkut
attaveqanngitsukkut pisuttussanut aqqutit qarasaasiakkut
aaneqarsinnaassapput, Laila Motzfeldt oqarpoq.
Kajumissutsiminnik ikiuukkusuttut
amerlanerunissaat neriuutigineqartoq
Laila Motzfeldt, Kommune Kujallermi
pinaveersaartitsinermut immikkoortortaqarfimmi AC-fuldmægtigitut
ulluinnarni sulisartoq, nammineq pisuttuartartuuvoq
misilittagaqarluartoq. Taanna pisuttuartunut aqqutissanik
pilersitsinissanik pilersaaruteqareerpoq, amerlanerusullu
kajumissutsiminnik ikiuunnissaat kissaatigalugu.
– Aputip aakkiartornerani aqqutit
nalunaaqutsersorniarpavut, suliniummullu kajumissutsiminnik
ikiuukkusuttut amerlanerusut pisariaqartippavut. Kikkut tamarmik
peqataarusuttut tikilluaqqusaapput, siulittaasoq oqarpoq.
Pilersaarutit malillugit aqqutit aggustimi pisortatigoortumik
atoqqaartinneqassapput.
Aningaasaateqarfinnut
qinnuteqaasiortoqartoq
Peqatigiiffik
pilersinneqaqqammerluni CVR-normoqalerpoq
bankimilu kontoqalerluni. Kommune Kujalleq aamma Innovation South Greenland suleqatigalugit
aqqutissanik pilersaarusiortoqarpoq
atortussanillu suliaqarlutik,
aamma NunaFondenimut
Nordea-fondenimullu tapiiffigineqarnissaminnik
qinnuteqarlutik, aqqutinik
nalunaaqutsersuinerminni atortussanik
pisisinnaajumallutik.
– Aningaasatigut
tunngavissaqaleramik ilaatigut aqqutissat allagartalersornissaannut
immikkullu ittunik inussuliornissaminnut atorneqarput, taakkulu
suliniummut tunngaviullutik, peqatigiiffik tusagassiuutinut
nalunaarummini allappoq.
Peqatigiiffiup
siunertaa ersarippoq: Pinngortitamiissinnaanerup siuarsarnissaa
inuillu timiminnik aalatitsisinnaanissaat
ajornannginnerulersinniarlugu.
– Inuppassuit
qasujaallisarusuttarput
timersortarfiilli
atorusuttarnagit.
Isumaqarpunga nuannernerussagaluartoq amerlanerusut
pinngortitamukartaraluarpata
– aamma inuit avataaneersut, taamaalillutik pisuttuartarfiit
aqqutigalugit pinngortitaq misigisinnaassagamikku,
Laila Motzfeldt oqarpoq, taassumalu neriuutigaa amerlanerusut
pisuttuartartut peqatigiiffiannut ilaasortanngorumaartut.
