Nunanit allanit suliartortunut malittarisassat sukaterneqassasut
Inatsissatut siunnersuut malillugu nunanit allanit suliartortut aapparisaat inooqataalluunniit, nunatsinni suliffeqartumut aappaasuuneq piinnarlugu nalilersorneqartarunnaassapput.
Et nyt lovforslag skal stramme op på reglerne for tilkaldt arbejdskraft.
Leiff Josefsen
Nunanit
allaneersut suliartortitat pillugit malittarisassat sukaterniarlugit
Naalakkersuisut inatsisissatut siunnersuut tusarniaassutigaat.
Atorfiit
amerlasuut 'Kalaallit Nunaannut suliffissarsiortut
killilersimaarnissaat pillugu Inatsisartut inatsisaannut
ilaatinneqartut' sulisinnaasunik kalaaliunngitsunik aamma tamanut
ammasumik sulisussarsiortoqarnani aamma kommunimit
akuersissuteqartoqarnani inuttalersorneqartut, Naalakkersuisut
paasisimagaat siunnersuummi atuarneqarsinnaavoq.
Atorfiit makku akuersissuteqartariaqarput
Kalaallit Nunaanni suliffissarsiortut atorfinni makkunani nunami imaatigullu angallannermi akuersissummik qinnuteqarnissamik pisariaqartitsiffiupput:
1) atorfinni suliamik ilinniagaqarsimanngitsunik inuttalerneqarsinnaasuni,
2) atorfinni suliassamut naapertuuttumik sulisitsisumi ilinniagaqaqqaarluni, inuutissarsiutinut tunngaviusumik ilinniagaqaqqaarluni imaluunniit Siamasissumik Tunngaviusumik Ilinniartitaanermi ilinniagaqaqqaarluni atorfigineqarsinnaasuni,
3) atorfinni annerusumik, soorlu inunnik isumaginnittussatut aamma isumaginninnermi siunnersortissatut, ilinniagaqaqqaarluni atorfiniffigineqarsinnaasuni,
4) atorfinni imarsiornerup tungaatigut annertunerusumik ilinniagaqaqqaarluni atorfiniffigineqarsinnaasuni.
Naalakkersuisut
oqarnerat naapertorlugu atorfiit nunanit allaneersut aappaannit
imaluunniit inooqataannit inuttalerneqartarnerannik pissuteqarpoq.
Ullumikkut
inooqataasut imaluunniit aappaasut Kalaallit Nunaannut immikkut
attuumassuteqartutut isigineqartarput, taamaattumillu
kommunalbestyrelsimit immikkut akuerineqartariaqaratik.
'Immikkut
attuumassuteqarneq' annaassagaat
Inatsisip
sukaterneqarnissaanik siunnersuutip taamatut inissisimatitsineq
atorunnaarsissavaa:
-
Sulisinnaasumut avataaneersumut katissimallugu aappaasut imaluunniit
inooqataasut, Kalaallit Nunaannut suliffissarsiortut
killilersimaarnissaat pillugu Inatsisartut inatsisaanni, § 4, imm.
1, nr. 2-mi malittarisassat naapertorlugit pisortat imaluunniit
namminersortut suliffeqarfianni atorfeqartut, inuttut immikkut
ittumik Kalaallit Nunaannut attuumassuteqartutut
isigineqarunnaassasut siunnersuutigineqarpoq, inatsisissatut
siunnersuummut oqaaseqaatini atuarneqarsinnaavoq.
Inuit
atorfinni Kalaallit Nunaannut suliartortarnermut inatsimmut
ilaanngitsunut maleruagassat sakkukillineqarnissaannut inatsit aamma
imaqarpoq.
Qinnuteqartut
amerlinissaat naatsorsuutigineqartoq
Namminersorlutik
Oqartussat ima assersuuteqarput:
-
Siunnersuummi immikkoortoq manna kinguneqarpoq, assersuutigalugu
nakorsamut Dronning Ingridip Napparsimmavissuani atorteqartumut
katissimallugu aappaasoq imaluunniit inooqataasoq, atorfinni
Kalaallit Nunaannut suliffissarsiortut killilersimaarnissaat pillugu
Inatsisartut inatsisaanni ilaatinneqartuni, tamanut ammasumik
sulisussarsiortoqartinnagu aamma kommunimiit
akuersissuteqartoqartinnagu atorfinitsinneqarsinnaasut.
Siunnersuut
'nunanit allanit suliartortunit kommuninut atorfininneqarnissamut
qinnuteqarnerit amerleriarnissaat' Namminersorlutik Oqartussat
nalilerpaat, tamannali annerusumik kommuninut imaluunniit
inuussutissarsiortunut annerusumik
aningaasartuuteqarnerulersitsissanngilaq.