Nunaqarfimmi aallaasersortoqarnerani eqqugaasoq toquvoq — angut inuusuttoq sapaatip-akunnerini pingasuni tigummigallarneqassaaq
Angut arfininngormat Tiilerilaami aallaaneqartoq sapaatiummat ikiligaanerminit toquvoq. 18-inik ukiulik tigusarineqartoq sapaatip-akunnerini pingasuni tigummigallarneqassaaq.
Assiliisoq: Leiff Josefsen
Kalaallit Nunaanni Politiit nalunaarput angut 33-nik ukiulik arfininngornermi ullaakkut Tunumi Tiililerilaami, siornatigut Tiniteqilaamik taaneqartartumi, niaqqumigut aallaaneqarami ikilerneqarnini pissutigalugu toqusoq.
Angutip perulunnera ilisimaneqareersimavoq, sapaatiummallu toquvoq. Angutip qanigisai kalerrinneqarput.
Angut 18-inik ukiulik aallaasersorsimasoq politiinit tigusarineqartoq, sapaatiummat ullaap tungaani Sermersuup Eqqartuussiviani matoqqasumik killisiorneqarpoq.
Angut decembarip 19-iata tungaanut sapaatip-akunnerini pingasuni tigummigallarneqassasoq, Kalaallit Nunaanni Politiit ilisimatitsipput.
